મુંબઈ : સોમી અલી જે સલમાન ખાનની એક્સ ગર્લફ્રેન્ડ હતી, તે તેના સ્પષ્ટવક્તા માટે જાણીતી છે. અભિનેત્રી સલમાન અને તેના સંબંધો વિશે પણ ખુલીને વાત કરે છે. આ દરમિયાન સોમી અલી પર જીવલેણ હુમલો થયો છે. સોમીએ પોતે ખુલાસો કર્યો છે કે તે માનવ તસ્કરીનો શિકાર બનેલી મહિલાને બચાવવાનો પ્રયાસ કરી રહી હતી. આ દરમિયાન તેના પર હુમલો કરવામાં આવ્યો હતો અને તેના હાથમાં ફ્રેક્ચર થયું હતું. એટલું જ નહીં, તેને ઘણી ઈજાઓ પણ થઈ છે.

સોમી અલી પોતાને સામાજિક કાર્યકર્તા પણ કહે છે. 48 વર્ષની સોમીનું કહેવું છે કે તે માનવ તસ્કરીનો ભોગ બનેલા લોકોને બચાવવા માટે પોલીસ સાથે મળીને કામ કરે છે. સોમીએ કહ્યું કે જ્યાં સુધી પીડિતાને ઘરની કાઢવામાં ન આવે ત્યાં સુધી તેને કાર માંથી બહાર આવવાની મંજૂરી આપવામાં આવી ન હતી. પરંતુ આ બાબતમાં તેનો અનુભવ સાવ જુદો હતો. કારણ કે તે બહાર કેટલાક લોકો સાથે તસ્કરોની રાહ જોઈ રહી હતી.

અભિનેત્રીના જણાવ્યા અનુસાર, માનવ તસ્કરીનો શિકાર બનેલી વ્યક્તિને બચાવવાનો પ્રયાસ કરતી વખતે તસ્કરોએ તેનો હાથ મરડી નાખ્યો હતો. જેના કારણે તેના હાથમાં હેરલાઇન ફ્રેક્ચર થયું હતું. સોમીએ આગળ કહ્યું કે, હું પીડિતને બચાવવા માટે મારી કારમાં નીકળી હતી, ત્યારે અચાનક તસ્કરો આવ્યા, તેમાંથી એકે મારો ડાબો હાથ પકડીને એવી રીતે વાળ્યો કે હું પીડાથી ચીસો પાડવા લાગી. ભગવાનનો આભાર કે તેના કારણે માત્ર મને હેરલાઇન ફ્રેક્ચર થયું, પરંતુ હું ખૂબ પીડામાં છું અને પથારીમાં સૂઈ રહી છું.

અભિનેત્રીના મતે તેને સંપૂર્ણ સ્વસ્થ થવામાં 6 થી 8 અઠવાડિયાનો સમય લાગી શકે છે. તેનું કાંડું એકદમ સૂજી ગયું છે. ડોક્ટરે તેને થોડો સમય હાથ પર પ્લાસ્ટર રાખવા કહ્યું છે. તે કોઈની સાથે હાથ મિલાવવામાં પણ સક્ષમ નથી.