મુંબઈ, તા.૧૫: બોલિવુડ એક્‍ટર સલમાન ખાન ઘણા લાંબા સમયથી બિગ બોસનો શો હોસ્‍ટ કરી રહ્યો છે અને દર્શકો પણ તેમને હોસ્‍ટ તરીકે જોવાનું પસંદ કરે છે. જોકે છેલ્લા કેટલાક વીકએન્‍ડથી આ શોમાં સલમાન ખાન નજર નથી આવ્‍યો. તેમની જગ્‍યાએ પ્રોડ્‍યુસર એકતા કપૂર, રોહિત શેટ્ટી અને રવિ કિશને શોને હોસ્‍ટ કર્યો છે.

આ ત્રણે સેલેબ્‍સના વીકએન્‍ડના વાર પર નજર આવ્‍યા પછી સલમાન ખાનના ફેન્‍સ ઘણા ચિંતિત છે અને અટકળો લગાવી રહ્યા છે કે સલમાન ખાન કયાં ગાયબ છે અને તે આ શોને ફરીથી હોસ્‍ટ કરશે કે નહીં, એની માહિતી હજી નથી મળી શકી. વળી, આ શો આવતા વીકએન્‍ડમાં પણ સલમાન ખાનની જગ્‍યાએ રવિ કિશન હોસ્‍ટ કરવાનો છે. ત્‍યાર બાદ આ શો ફેન્‍સ વિચારી રહ્યા છે કે સલમાન ખાને શું શો છોડી દીધો છે? અને રવિ કિશન જ આ શોને હોસ્‍ટ કરવાનો છે?

આ શોના અનેક દર્શકો, જે બિગ બોસના શોના સમાન ખાનને કારણે જોવાનો પસંદ કરે છે. સલમાન ખાનના લાખો ફેન્‍સ છે અને બિગ બોસ ૧૮ જ્‍યારથી સલમાન હોસ્‍ટ નથી કરી રહ્યો, ત્‍યારથી તેના ફેન્‍સને પણ આ શો પસંદ નથી પડી રહ્યો. જેને લીધે TRPમાં પણ મોટો ઘટાડો થયો છે.

અહેવાલ મુજબ સલમાન ખાન હાલના દિવસોમાં આવનારી ફિલ્‍મ સિકંદરના શૂટિંગમાં વ્‍યસ્‍ત છે. આ શૂટિંગ હાલના દિવસોમાં હૈદરાબાદમાં થઈ રહ્યું છે. આ સિવાય સલમાન તેની દુબઈ ટુર દા બંગના પ્રોગ્રામમાં સામેલ થશે. જેમાં તેની સાથે અનેક મોટા ફિલ્‍મસ્‍ટાર્સ પણ પર્ફોર્મ કરશે. જોકે સલમાને બિગ બોસ ૧૮ શૂટ ના કરવા માટે કોઈ સત્તાવાર નિવેદન નથી કર્યું.(૨૩.૨૨)