મુંબઈ: મોહમ્મદ રફીના જીવન પરથી ફિલ્મ બનાવવાની જાહેરાત તેમના દીકરા શાહિદ રફીએ કરી છે. આ ફિલ્મનું નામ “આસમાં સે આયા ફરિશ્તા” રાખવામાં આવ્યું છે. આ ફિલ્મની સત્તાવાર જાહેરાત ૨૪ ડિસેમ્બરે મોહમ્મદ રફીની ૧૦૦ મી જન્મ જયંતી આવી રહી છે, તે દિવસે થાય તેવી વિશેષ સંભાવના જોવા મળી રહી છે. આ ફિલ્મનું ડિરેક્શન ઉમેશ શુકલ કરશે. અત્યારે સ્ક્રીપ્ટ પર કામ ચાલે છે, તે પૂર્ણ થયા પછી જ એક્ટરનું નામ નક્કી થશે. અહીં ઉલ્લેખ કરવો રહ્યો કે, હાઈએસ્ટ સોંગ ગાવાનો રેકોર્ડ મોહમ્મદ રફીના નામે વર્ષો સુધી ગિનેસ બુકમાં રહ્યો, તેમણે ૧૧ ભાષામાં ૨૮,૦૦૦ થી વધારે ગીતો ગાયા છે.