બેંગલુરુ, તા.૯: દીપિકા પાદુકોણ હાલમાં એક્‍ટિંગથી દૂર છે અને મધરહૂડનો આનંદ માણી રહી છે. માતા બન્‍યા બાદ પહેલીવાર દીપિકા જાહેરમાં આવીને ચાહકોને ચોંકાવી દીધા હતા. બેંગ્‍લુરૂમાં દિલજીત દોસાંજના ‘દિલ-લુમિનાટી' કોન્‍સર્ટમાં અભિનેત્રીને જોઈને ફેન્‍સ પાગલ થઈ ગયા હતા.દીપિકા પાદુકોણ દીકરી દુઆને જન્‍મ આપ્‍યા બાદ પહેલીવાર જાહેરમાં જોવા મળી હતી. દીપિકા પાદુકોણને અચાનક જોઈને ચાહકોની ખુશીની કોઈ સીમા ન રહી. એક્‍ટ્રેસ સફેદ સ્‍વેટશર્ટ અને ડેનિમ જીન્‍સમાં કોન્‍સર્ટ માણવા પહોંચી હતી. સોશિયલ મીડિયા પર વાઇરલ થઈ રહેલા વીડિયોમાં તે તેના મિત્રો સાથે દિલજીતનાં ગીતો પર ડાન્‍સ કરતી જોઈ શકાય છે.

દિલજીતે સૌથી પહેલા દીપિકાની બ્રાન્‍ડની પ્રોડકટ હાથમાં પકડીને ચાહકોને પૂછયું કે શું તેમને ખબર છે કે તે કોની છે તો બધા દીપિકાનું નામ લે છે. આ પછી દિલજીત કહે છે કે હું આનાથી જ સ્‍નાન કરું છું અને મારો ચહેરો ધોઉં છું, તો આ મારી સુંદરતાનું રહસ્‍ય છે. આ પછી તે દીપિકાને સ્‍ટેજ પર બોલાવે છે, તે સ્‍ટેજની પાછળ બેસીને દિલજીતની વાત સાંભળીને હસી પડે છે.(