મુંબઈ:  ફિલ્મ સ્ટાર સૈફ અલી ખાનને મંગળવારે હોસ્પિટલમાંથી રજા આપવામાં આવી હતી અને તેમની સુરક્ષા વધારી દેવામાં આવી છે. 'પરિણીતા' ના અભિનેતાએ હવે અભિનેતા રોનિત રોયની સુરક્ષા કંપનીની સેવાઓ લીધી છે.૧૬ જાન્યુઆરીના રોજ, મુંબઈના બાંદ્રા વિસ્તારમાં સૈફ અલી ખાનના ઘરમાં ઘૂસેલા એક વ્યક્તિ સાથે ઝઘડો થયો હતો, જે દરમિયાન સૈફ અલી ખાન પર છરીના અનેક ઘા કરવામાં આવ્યા હતા. આ ઘટનાએ ઇમારતની સુરક્ષા સામે ગંભીર પ્રશ્નો ઉભા કર્યા. પોલીસે ત્યાં તૈનાત સુરક્ષા કર્મચારીઓની પણ પૂછપરછ કરી.જોકે, રોનિત રોયે સૈફ અલી ખાનને આપવામાં આવેલી સુરક્ષા વિશે કંઈ જણાવ્યું ન હતું. તેણે કહ્યું, “અમે પહેલાથી જ સૈફ સાથે છીએ. તે હવે ઠીક છે અને પાછો ફર્યો છે. રોનિત રોય "Ace Security and Protection" એજન્સી (AceSquad Security Services LLP) ના માલિક છે.સૈફ અલી ખાન પર થયેલા હુમલા બાદ, ફિલ્મ જગતના ઘણા સભ્યોએ મુંબઈમાં વધતા સુરક્ષા ખતરા અંગે ચિંતા વ્યક્ત કરી હતી.દરમિયાન, મુંબઈ પોલીસે થાણેથી મોહમ્મદ શહેઝાદ તરીકે ઓળખાતા આરોપીની સફળતાપૂર્વક ધરપકડ કરી. શંકાસ્પદ વ્યક્તિ બાંગ્લાદેશમાં રાષ્ટ્રીય સ્તરનો પહેલવાન હોવાનું કહેવાય છે.