<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Thursday, 24th April 2025

કલર્સે‘બિગબોસ' અને ‘ખતરોં કે ખિલાડી' જેવા શો ગુમાવ્‍યા?

શોની ટીમ સાથે વાંધો પડતા સોની ટીવી પર જતા રહ્યા હોવાની શકયતા

મુંબઇ તા.ર૪: કલર્સ ટીવીના બે સૌથી લોકપ્રિય શો ‘બિગ બોસ' અને ‘ખતરોં કે ખિલાડી' આ ચેનલમાંથી દૂર થઈ જાય એવી શકયતા છે. આ બંને શોની ટીમ આ માટે સોની ટીવી સાથે ચર્ચા વિચારણા કરી રહી છે.

સૂત્રો દ્વારા મળતી માહિતી અનુસાર, સલમાન ખાન જેનું સંચાલન કરે છે એ બિગ બોસ અને રોહિત શેટ્ટી જેમાં સંચાલન કરે છે એ શો ખતરોં કે ખિલાડી બંને એન્‍ડેમોલ ઇન્‍ડિયા દ્વારા પ્રોડ્‍યુસ કરવામાં આવે છે. આ બંને શો કલર્સ ટીવી પર આવે છે અને જિઓ સાથેની વાયાકોમની ડીલના કારણે જિઓૅહોટસ્‍ટાર પર સ્‍ટ્રીમ થાય છે. પરંતુ હવે એવા અહેવાલો છે કે વાયાકોમ અને એન્‍ડેમોલ વચ્‍ચે આ શોના ભવિષ્‍ય અંગે સર્જનાત્‍મક વિવાદો ચાલી રહ્યા છે. તેમની સાથે સંકળાયેલા સૂત્રોના જણાવ્‍યા અનુસાર, ખતરો કે ખિલાડી અને બિગ બોસ સોની ટીવી પર જઈ શકે છે. કારણ કે ચેનલ અને પ્રોડ્‍યુસર વચ્‍ચે વિવાદો ચાલી રહ્યા છે.

સૂત્રએ એવું પણ જણાવ્‍યું કે પ્રોડક્‍શન હાઉસ અને સોની ટીવી વચ્‍ચે ચર્ચાઓ તો ચાલી રહી છે, પરંતુ તેમની વચ્‍ચે હજુ કોઈ ડીલ ફાઇનલ થઈ નથી. ૨૦૦૬માં શરૂઆત થઈ ત્‍યારે સોની ટીવી પર બિગ બોસ શો શરૂ થયો હતો. પરંતુ તેની બીજી સીઝનથી આ શો કલર્સ પર જતો રહ્યો હતો.

બિગ બોસ શો પણ યૂકેના જાણીતા શો બિગ બ્રધર પર આધારીત છે, જ્‍યારે ખતરોં કે ખિલાડી અમેરિકન શો ફિઅર ફેક્‍ટર પર આધારીત છે.  બિગ બોસની દરેક સીઝન સૌથી વધુ જોવાતા શોમાં સામેલ છે. છેલ્લાં કેટલાંક વર્ષોમાં  ટીઆરપી ઘટી હોવા છતાં શો ટીવી પર સૌથી વધુ જોવાતા શોમાંનો એક છે. આ જ રીતે ખકરો કે ખિલાડી પણ સૌથી વધુ જોવાતા શોમાંનો એક છે. આ બંને શોમાં જાણીતા સેલેબ્રિટી ભાગ લે છે.

(3:58 PM IST)