તા. ૧૭ નવેમ્બર ર૦ર૬ વિક્રમ સંવત ર૦૮૩ કારતક સુદ – ૮ મંગળવાર
News of Monday, 19th May 2025
૪૨ વર્ષીય એક્ટ્રેસ સાથે ૭૦ વર્ષીય કમલ હાસને આપ્યો એવો સીન કે ભલભલા યુવાનો શરમાઇ જાય
૭૦ વર્ષીય સુપરસ્ટાર કમલ હાસન તેમની આગામી ફિલ્મ ‘‘ઠગ લાઈફ'' ની રિલીઝ માટે તૈયાર : કેટલાક લોકો ટ્રેલરમાં જોવા મળતા કમલ હાસન અને ત્રિશા કળષ્ણનના ઇન્ટિમેટ સીન પર આપત્તિ વ્યક્ત કરી રહ્યા છે

મુંબઇ તા.૧૯: ૭૦ વર્ષીય સુપરસ્ટાર કમલ હાસન તેમની આગામી ફિલ્મ ‘‘ઠગ લાઈફ'' ની રિલીઝ માટે તૈયાર છે, જેનું ટ્રેલર શનિવારે રિલીઝ થયું હતું . ટ્રેલરને મિશ્ર ઁપ્રતિભાવ મળી રહ્યા છે. કમલ હાસન અને ફિલ્મ નિર્માતા મણિ રત્નમના ફરીએકવાર સાથે આવવાથી લોકો ખુશ છે, ત્યારે કેટલાક લોકો ટ્રેલરમાં જોવા મળતા કમલ હાસન અને ત્રિશા કળષ્ણનના ઇન્ટિમેટ સીન પર આપત્તિ વ્યક્ત કરી રહ્યા છે.
૭૦ વર્ષીય અભિનેતાનો અભિનેત્રી ત્રિશા કળષ્ણન સાથેનો રોમેન્ટિક સીન સોશિયલ મીડિયા પર ઝડપથી વાયરલ થઈ રહ્યો છે.
રેડિટ પર એક યુઝરે ટ્રેલરના એક રોમેન્ટિક દ્રશ્યનો સ્ક્રીનશોટ શેર કર્યો છે જેમાં કમલ હાસન અને ત્રિશા કળષ્ણનનો સમાવેશ થાય છે. જ્યારે બીજા એક સ્ક્રિન શોટમાં કમલ હાસન અભિરામીને ચુંબન કરતા જોઈ શકાય છે.
પોસ્ટ સાથેના કેપ્શનમાં લખ્યું હતું, ‘‘નો ગોડ પ્લીઝ નો.'' આ સાથે ચર્ચાઓ શરૂ થઈ ગઈ છે કારણ કે કમલ હાસન ૭૦ વર્ષના છે જ્યારે ત્રિશા અને અભિરામી ૪૨ વર્ષના છે, જેના કારણે ઇન્ટરનેટ યુઝર્સને આ દ્રશ્યો ગળે નથી ઉતરી રહ્યા
એક રેડિટ યુઝરે લખ્યું ‘‘ત્રિશા કળષ્ણનન શ્રુતિ હાસન કરતા ફક્ત ૩ વર્ષ મોટી છે,'' . બીજાએ ઉમેર્યુ ‘‘માત્ર ૩૦ વર્ષનો તફાવત. વ્યવહારીક રીતે આત્માના સાથી!'' ત્રીજી ટિપ્પણીમાં લખ્યું હતું કે, ‘‘અભિરામી અને કમલ ૩૦ વર્ષના અંતર સાથે લિપ લોક શેર કરતા જોવાનું વિચિત્ર લાગે છે.''
ઠગ લાઈફ વિશે વાત કરીએ તો, આ ફિલ્મ મણિરત્નમ દ્વારા દિગ્દર્શિત છે અને તેમાં કમલ હાસન અને સિલમ્બરસન મુખ્ય ભૂમિકામાં છે. આ ફિલ્મ એક ગેંગસ્ટરની સફર પર આધારિત છે જે એક નાના છોકરાને ગુનાની દુનિયામાં માર્ગદર્શન આપે છે. ટ્રેલરમાં ગેંગસ્ટર ડ્રામા બતાવવામાં આવ્યો છે. જ્યારે ત્રિશા કળષ્ણન, સાન્યા મલ્હોત્રા, અભિરામી, અશોક સેલવાન, ઐશ્વર્યા લક્ષ્મી, જોજુ જ્યોર્જ, નાસર, અલી ફઝલ, પંકજ ત્રિપાઠી, રોહિત સરાફ અને વૈયાપુરી મહત્વની ભૂમિકામાં જોવા મળી રહ્યા છે.(૩૮.૭)
(4:26 PM IST)









છેલ્લા 8 દિવસમાં સૌથી લોકપ્રિય 
