મુંબઇ: મlવર્સોવા પોલીસ સ્ટેશનમાં ડ્રાઇવર પર છરી વડે હુમલો કરવા બદલ નોંધાયેલી FIR અંગે, ફિલ્મ દિગ્દર્શક અને લેખકે સમાચાર એજન્સીને જણાવ્યું હતું કે તેમની સામે નોંધાયેલો કેસ ખોટો અને બનાવટી છે. તેમણે કોઈ પર હુમલો કર્યો નથી.ફિલ્મ દિગ્દર્શક અને લેખિકા મનીષા ગુપ્તા વિરુદ્ધ પોતાના જ ડ્રાઇવર પર છરી વડે હુમલો કરવા અને માર મારવા બદલ કેસ નોંધવામાં આવ્યો છે, આ કેસ મુંબઈના વર્સોવા પોલીસ સ્ટેશનમાં નોંધવામાં આવ્યો છે.આ આરોપ પર મનીષા ગુપ્તાએ કહ્યું કે તેમની સામે નોંધાયેલો કેસ ખોટો અને બનાવટી છે, તેમણે ન તો માર માર્યો છે કે ન તો છરી વડે હુમલો કર્યો છે.તેમણે કહ્યું, “આ એક ખોટો કેસ છે. આ ફક્ત તમને હેરાન કરવા અને પૈસા પડાવવા માટે દાખલ કરવામાં આવ્યો છે. ભારતમાં આ એક સામાન્ય ટ્રેન્ડ બની ગયો છે, જ્યારે કોઈની સાથે નાનો ઝઘડો થાય છે, ત્યારે લોકો ખોટી FIR દાખલ કરે છે જેથી બીજી વ્યક્તિ દબાણમાં આવે અને પોતાનું સન્માન બચાવવા માટે વધુ પૈસા ચૂકવે. કેટલાક વકીલો, સામાજિક કાર્યકરો અને રાજકીય લોકો પણ આમાં સામેલ છે, જેઓ સાથે મળીને ‘ખંડણી રેકેટ’ ચલાવે છે. હું ઇચ્છું છું કે આ રેકેટ તૂટી જાય, મારો કેસ આનું ઉદાહરણ બની શકે છે.”