મુંબઇ: પીઢ અભિનેત્રી અને મથુરાના સાંસદ હેમા માલિનીએ દર વર્ષે 21 જૂને ઉજવાતા આંતરરાષ્ટ્રીય યોગ દિવસ પર યોગ કરવાનો આગ્રહ કર્યો છે.આ વર્ષના વિશ્વ યોગ દિવસની થીમ – ‘એક પૃથ્વી, એક આરોગ્ય માટે યોગ’ શેર કરતા, તેમણે દરેકને નિયમિતપણે યોગ કરવાનો આગ્રહ કર્યો.માનસિક અને શારીરિક સ્વાસ્થ્ય જાળવવા માટે યોગને આવશ્યક ગણાવતા, તેમણે કહ્યું કે 21 જૂન દર વર્ષે ‘વિશ્વ યોગ દિવસ’ તરીકે ઉજવવામાં આવે છે. મથુરાના આપણા લોકો પણ આ દિવસને પૂરા ઉત્સાહથી ઉજવે છે. આ વર્ષની થીમ છે – ‘એક પૃથ્વી, એક આરોગ્ય માટે યોગ’. તેમણે કહ્યું, “દરેકને વિશ્વ યોગ દિવસમાં ભાગ લેવા અને યોગને તેમના જીવનનો ભાગ બનાવવા માટે મારી હાર્દિક અપીલ છે. હું પણ દરરોજ યોગનો અભ્યાસ કરું છું.”