કનપ્પાનું ટ્રેલર રિલીઝઃ અક્ષય કુમારના ‘મહાદેવ', પ્રભાસના રૌદ્ર રૂપની ચર્ચા
વિષ્ણુ માંચૂની મહત્વાકાંક્ષી ફિલ્મ કનપ્પા ૨૭ જૂને થિયેટરમાં રિલીઝ થશે
મુંબઈ,તા.૧૬: ડાયનામિક હીરો વિષ્ણુ માંચૂનો ડ્રીમ પ્રોજેક્ટ ગણાતી ફિલ્મ કનપ્પાનું ટ્રેલર રિલીઝ થઈ ગયું છે. આ ફિલ્મ મલ્ટી સ્ટારર હોવાથી ફેન્સમાં તેની આતુરતા જોવા મળી રહી છે. ૧૪ જૂને સાંજે ફિલ્મનું ધમાકેદાર ટ્રેલર રિલીઝ થયું હતું. આ ફિલ્મમાં બોલિવૂડનો ખેલાડી અક્ષય કુમાર મહાદેવની ભૂમિકામાં જોવા મળે છે. જ્યારે પ્રભાસ રૂદ્ર અવતારમાં ડેશિંગ લાગી રહ્યો છે. આ બંને ફિલ્મની મુખ્ય હાઈલાઈટ હોવાનું જણાય છે. મંચૂ વિષ્ણુ લાંબા સમયથી તેની ફિલ્મ કનપ્પાને લઈને ઉત્સાહ દર્શાવી રહ્યા છે.
વિષ્ણુ આ ફિલ્મમાં થિન્નાડુનો રોલ કરી રહ્યો છે, જેને ભક્ત કનપ્પાના નામે પણ ઓળખવામાં આવે છે. વિષ્ણુને એક નીડર યોદ્ધા તથા ધર્નુધારી તરીકે દર્શાવાયો છે જે ભગવાન શિવનો પરમ ભક્ત બને છે. ટ્રેલરમાં અક્ષય કુમાર ભગવાન શિવના રોલમાં છે જેને ફેન્સે ખૂબ જ પસંદ કર્યા હોવાનું લાગી રહ્યું છે. ઉલ્લેખનીય છે કે OMG-2 બાદ અક્ષય મહાદેવની ભૂમિકામાં વધુ એક વખત સફળ થઈ શકે છે.
આ ફિલ્મમાં સાઉથના સુપરસ્ટાર મોહનલાલ પણ છે જે કિરાતાના રોલમાં નજરે પડશે. ૨૭ જૂને આ ફિલ્મ થિયેટરોમાં રિલીઝ થશે. કનપ્પાની રિલીઝ તારીખ નજીકમાં છે ત્યારે તેને લઈને માર્કેટિંગ માટે સંખ્યાબંધ કાર્યક્રમોની તૈયારી પણ પૂર્ણ કરવામાં આવી છે. ટ્રેલરને ફેન્સનો નોંધપાત્ર રિસ્પોન્સ મળ્યો છે અને સોશિયલ મીડિયા પર તેની ચર્ચાઓ કરી રહ્યા છે. બીજીતરફ કેટલાકે આ ફિલ્મના ટ્રેલરની તુલના ભક્તિ સીરિયલ સાથે કીરને ટીકા કરી હતી. એક યુઝરે ટ્વીટ કરીને કહ્યું કે- મહાદેવના રૂપમાં ખેલાડી અને રૂદ્રના રોલમાં ડેશિંગ પ્રભાવ, બંનેનો અણધાર્યો સહયોગ. કનપ્પા અક્ષય કુમરાની સૌપ્રથમ તેલુગુ ફિલ્મ છે.(૪૦.૧૧)
(9:55 AM IST)
છેલ્લા 8 દિવસમાં સૌથી લોકપ્રિય 
