મુંબઈ,તા.૦૯: એકતા કપૂરનો લોકપ્રિય ટીવી શો કયૂંકી સાસ ભી કભી બહુ થી ફરી એકવાર ટીવી પર દસ્‍તક આપવા જઈ રહ્યો છે. તેના ચાહકોની ખુશીની કોઈ સીમા નથી. આ શો દ્વારા અભિનેત્રી અને ભાજપ નેતા સ્‍મળતિ ઈરાની ફરી એકવાર તુલસીના પાત્રમાં દર્શકોનું મનોરંજન કરતી જોવા મળશે. ચાહકો તેમને લાંબા સમય પછી ટીવી પર જોવા માટે ઉત્‍સુક છે. આ સિરિયલનો પ્રોમો પણ રિલીઝ થઈ ગયો છે, જેમાં સ્‍મળતિનો ફર્સ્‍ટ લુક પણ સામે આવ્‍યો છે. આ દરમિયાન, આ શો માટે સ્‍મળતિની ફી અંગે પણ ચર્ચા શરૂ થઈ ગઈ છે.

સ્‍મળતિ ઈરાનીએ વર્ષ ૨૦૦૦ માં આ સીરિયલ કરી હતી, ત્‍યારે તેમને એક એપિસોડ માટે ૧૮૦૦ રૂપિયા મળતા હતા. આવી સ્‍થિતિમાં, વર્તમાન ફી અંગે વિવિધ દાવાઓ કરવામાં આવી રહ્યા છે. હિન્‍દી ચેનલ આજતક અનુસાર, અહેવાલો દાવો કરી રહ્યા છે કે સ્‍મળતિ એકતા કપૂરના લોકપ્રિય શોના માટે મોટી રકમ વસૂલ કરી રહી છે. એવું કહેવામાં આવી રહ્યું છે કે તે એક એપિસોડ માટે ૧૪ લાખ રૂપિયા ચાર્જ કરી રહી છે. જોકે, સિરિયલના નિર્માતાઓ કે અભિનેત્રીએ હજુ સુધી આ અંગે કોઈ પ્રતિક્રિયા આપી નથી.

સ્‍મળતિ ઈરાની ટીવી પર પોતાના પુનરાગમનથી ખૂબ જ ખુશ છે. તે ખુશ છે કે ફરી એકવાર તે તુલસીના તેના લોકપ્રિય પાત્રમાં જોવા મળશે. તે એકતા કપૂરના શો માટે પણ ખૂબ જ ઉત્‍સાહિત છે.

કપૂરના શો કયુંકી સાસ ભી કભી બહુ થી વિશે વાત કરીએ, તો તેનો પ્રીમિયર ૨૯ જુલાઈથી રાત્રે ૧૦.૩૦ વાગ્‍યે થશે. આ ટીવી સીરિયલ સ્‍ટાર પ્‍લસ પર ટીવી પર અને જિયો હોટસ્‍ટાર પર ઓટીટી  પર જોઈ શકાય છે. એપિસોડ ઓટીટી પ્‍લેટફોર્મ પર ગમે ત્‍યારે જોઈ શકાય છે.

જોકે, નિર્માતાઓએ શોના સમયની જાહેરાત કરી, ત્‍યારે ઘણા ચાહકો તેનાથી નારાજ થયા. તેણે પૂછયું કે આટલું મોડું કેમ રાખવામાં આવ્‍યું, કોણ જોશે? લોકોએ સૂચવ્‍યું કે તે રાત્રે ૮ કે ૮.૩૦ વાગ્‍યે પ્રસારિત થવું જોઈતું હતું.(૪૦.૧૫)