મુંબઈ તા.૨૭ : સલમાન ખાન તેની આગામી ફિલ્મો માટે સખત મહેનત કરી રહ્યો છે. ફિલ્મ 'બેટલ ઑફ ગલવાન' નું શૂટિંગ કરી રહેલા અભિનેતાએ રાત્રે બાર વાગ્યે એક ક્રિપ્ટિક પોસ્ટ શેર કરી છે. જાણો શું લખ્યું.

સલમાન ખાન સોશિયલ મીડિયા પર ઓછો સક્રિય રહે છે, પરંતુ જ્યારે પણ કોઈ પોસ્ટ કરે છે, તે સોશિયલ મીડિયા પર વાયરલ થઈ જાય છે. સલમાન ખાને ગઈ રાત્રે પોતાના ઇન્સ્ટાગ્રામ હેન્ડલ પર એક પોસ્ટ શેર કરી છે. તસવીરમાં અભિનેતાએ 'Being Human'ની ટી-શર્ટ પહેરી છે.

વારંવાર ભૂલો કરવી આદત બની જાય છે

પોસ્ટના કેપ્શનમાં સલમાન ખાને લખ્યું છે કે વર્તમાન તમારો ભૂતકાળ બની જાય છે, ભૂતકાળ તમારા ભવિષ્યને પકડી રાખે છે. વર્તમાન એક ભેટ છે, યોગ્ય કામ કરો, વારંવાર ભૂલો કરવી આદત બની જાય છે અને પછી તમારું કેરેક્ટર ખરાબ થઈ જાય છે. કોઈને દોષ ન આપો, કોઈ તમને એવું કંઈ કરાવી શકતું નથી જે તમે કરવા નથી માંગતા.

સલમાન ખાને એમ પણ જણાવ્યું કે મારા પિતાજીએ હમણાં જ મને આ કહ્યું છે, આ બિલકુલ સાચું છે. કાશ મેં આ પહેલા સાંભળ્યું હોત, પણ હજુ મોડું થયું નથી. સલમાન ખાનની પોસ્ટથી તેમના ચાહકો અસમંજસમાં છે કે સલમાન ખાને રાત્રે 12 વાગ્યે આ કોની વાત કરી રહ્યા છે. શું તેમને જીવનથી કંઈ અફસોસ છે.