મુંબઈ: દક્ષિણ ફિલ્મ ઉદ્યોગમાંથી એક દુઃખદ સમાચાર આવ્યા છે. જાણીતા મલયાલમ અભિનેતા અને સુપરસ્ટાર પ્રેમ નઝીરના પુત્ર શાનવાસનું અવસાન થયું છે. તેઓ લાંબા સમયથી કિડનીની બીમારીથી પીડાતા હતા. સોમવારે મોડી રાત્રે તેમની તબિયત અચાનક બગડતા તેમને હોસ્પિટલમાં દાખલ કરવામાં આવ્યા હતા, પરંતુ ડોકટરો તેમને બચાવી શક્યા નહીં. તેમણે 71 વર્ષની વયે અંતિમ શ્વાસ લીધા. તેમના મૃત્યુથી મલયાલમ સિનેમામાં શોકનું મોજું ફરી વળ્યું છે. ચાહકો અને ફિલ્મ ઉદ્યોગ સાથે સંકળાયેલા લોકો તેમને યાદ કરી રહ્યા છે. શાનવાસનો જન્મ એક ફિલ્મ પરિવારમાં થયો હતો. તેમના પિતા પ્રેમ નઝીરને મલયાલમ સિનેમાના સૌથી મોટા સ્ટાર્સમાંના એક માનવામાં આવતા હતા. શાનવાસ તેમના પિતાના પગલે ચાલીને ફિલ્મોમાં પ્રવેશ્યા અને પોતાને એક સારા અભિનેતા તરીકે સાબિત કર્યા. તેમણે 1981 માં ફિલ્મ 'પ્રેમગીથંગલ' થી તેમની ફિલ્મ કારકિર્દીની શરૂઆત કરી હતી, જેમાં તેમણે 'અજીત' ની ભૂમિકા ભજવી હતી. આ પછી, તેમણે સતત ઘણી ફિલ્મોમાં પોતાની હાજરી નોંધાવી. 1982માં તેણે 'આશા'માં 'બોબન'ની ભૂમિકા ભજવી હતી અને તે જ વર્ષે તેણે 'કોરીથરીચા નાલ', 'મૈલાંજી', 'ગાનમ', 'ઇવાન ઓરુ સિમ્હમ', અને 'ઇરાટ્ટીમાધુરમ' જેવી ફિલ્મોમાં અભિનય કર્યો હતો. 1983 માં, તે 'અધિપત્યમ', 'રથિલાયમ', 'ન્યામૂર્તિ રાજા', 'માઝા નિલાવુ', 'ઇ યુગમ', 'નમસ્તે મેડમ', 'પ્રતિંજ', 'પ્રસન્નમ ગુરુતરમ', 'મણિયારા' અને 'મૌન રાગમ' જેવી ફિલ્મોમાં સક્રિય હતા.1984માં, તેમણે 'અમ્મે નારાયણ', 'કદમત્તાથાચન', 'નિંગાલીલ ઓરુ સ્ત્રી', 'ઉમાનિલયમ' અને 'વેલીચમિલ્લાથા વીધી' જેવી ફિલ્મોમાં અભિનય કર્યો હતો. 1985માં તે 'ઉયરાથેઝુન્નેલપ્પુ', 'મુખ્યમંત્રી', 'શાંથમ ભિકારમ', 'ઓરીક્કલ ઓરિદથુ', 'આઝી', 'ઓનમ પ્રાથી ઓલિવિલ' જેવી ફિલ્મોમાં જોવા મળ્યો હતો. તે 1986માં 'ભગવાન' અને 1987માં તમિલ ફિલ્મ 'જાથી પુક્કલ' તેમજ 'એલ્લાવર્કુમ નાનમકલ' અને 'મંગલ્યાચરથુ'માં પણ જોવા મળ્યો હતો. તેણે પોતાના કરિયરમાં લગભગ 96 ફિલ્મોમાં કામ કર્યું અને પોતાની સરળ એક્ટિંગથી દર્શકોને પ્રભાવિત કર્યા.