જમ્‍મુ : લેહમાં જાણીતા અભિનેતા રણવીર સિહ અભિનીત ફિલ્‍મ 'ધુરંધર'ના શૂટિગ દરમિયાન લગભગ ૧૨૦ ક્રૂ મેમ્‍બર્સને ફૂડ પોઈઝનિગની શંકા સાથે હોસ્‍પિટલમાં દાખલ કરવામાં આવ્‍યા છે. પેટમાં દુખાવો, ઉલટી અને માથાના દુખાવા જેવી તકલીફો બાદ તમામ કર્મચારીઓને તાત્‍કાલિક લેહની એસ.એન.એમ. હોસ્‍પિટલ ખસેડવામાં આવ્‍યા હતા. ઘટનાના કારણની તપાસ માટે ભોજનના નમૂના લેવામાં આવ્‍યા છે, અને મોટાભાગના દર્દીઓની હાલત સ્‍થિર હોવાથી તેમને રજા આપી દેવામાં આવી છે. આ ઘટનાએ લેહ જેવા સંવેદનશીલ વિસ્‍તારોમાં શૂટિગ દરમિયાન સુરક્ષા અને સ્‍વાસ્‍થ્‍યના માપદંડો પર ગંભીર સવાલો ઊભા કર્યા છે. લેહમાં એક બોલિવૂડ ફિલ્‍મ યુનિટમાં મોટા પાયે ફૂડ પોઈઝનિગનો શંકાસ્‍પદ કિસ્‍સો સામે આવ્‍યો છે, જેમાં લગભગ ૧૨૦ ક્રૂ મેમ્‍બર્સને હોસ્‍પિટલમાં દાખલ કરવામાં આવ્‍યા છે. રવિવારે મોડી સાંજે આ ઘટના બની હતી, જ્‍યારે રણવીર સિહની ફિલ્‍મ 'ધુરંધર'ના શૂટિગમાં વ્‍યસ્‍ત આ કર્મચારીઓને અચાનક પેટમાં તીવ્ર દુખાવો, ઉલટી અને માથાનો દુખાવો શરૂ થયો હતો. અધિકારીઓએ જણાવ્‍યું કે આ ઘટના પહેલાં લગભગ ૬૦૦ લોકોએ ભોજન લીધું હતું. બીમાર થયેલા તમામ કર્મચારીઓને તાત્‍કાલિક લેહની એસ.એન.એમ. હોસ્‍પિટલ લઈ જવામાં આવ્‍યા હતા, જ્‍યાં ડોક્‍ટરોએ તેને સામૂહિક ફૂડ પોઈઝનિગનો કેસ ગણાવ્‍યો હતો. જોકે તમામ દર્દીઓની હાલત સ્‍થિર છે અને જરૂરી સારવાર બાદ મોટાભાગના લોકોને રજા આપી દેવામાં આવી છે. અધિકારીઓ ભોજનના નમૂનાઓની લેબોરેટરી રિપોર્ટની રાહ જોઈ રહ્યા છે, જેથી ફૂડ પોઈઝનિગના ચોક્કસ કારણની જાણ થઈ શકે.