મુંબઈ: 'બિગ બોસ ૧૨' ની ફેમ  અને સાદગીથી દર્શકોના દિલ જીતનાર સબા ખાને લગ્ન કરી લીધા છે. અભિનેત્રીએ જોધપુરમાં એક ખાનગી સમારંભમાં લગ્ન કર્યા. આ ખાસ પ્રસંગે ફક્ત પરિવાર અને નજીકના સંબંધીઓ જ હાજર રહ્યા હતા.સબા ખાનના જીવનસાથી વસીમ નવાબ એક ઉદ્યોગપતિ છે અને જોધપુરના નવાબ પરિવારના છે. સબાની બહેન સોમી ખાન પણ બિગ બોસ સીઝન ૧૨ માં તેની સાથે જોવા મળી હતી. તે પણ તેમના લગ્ન સમારંભમાં હાજર રહી હતી. નોંધનીય છે કે સોમીએ પણ થોડા મહિના પહેલા આદિલ ખાન સાથે લગ્ન કર્યા હતા સબા ખાને તેના ઓફિશિયલ ઇન્સ્ટાગ્રામ એકાઉન્ટ પર લગ્નની તસવીરો પોસ્ટ કરી હતી, જેના કેપ્શનમાં તેણે લખ્યું હતું કે, "કેટલીક પ્રાર્થનાઓ ચૂપચાપ સ્વીકારાય છે. હૃદયથી આભાર. હું મારા નિકાહની ખુશી તમારા બધા સાથે શેર કરી રહી છું. 'બિગ બોસ' માં તમે જેને પ્રેમ કરતા હતા તે છોકરી આજે નવું જીવન શરૂ કરી રહી છે. પ્રાર્થના અને પ્રેમની જરૂર છે."