તા. ૧૦ નવેમ્બર ર૦ર૬ વિક્રમ સંવત ર૦૮૩ કારતક સુદ – ૧ મંગળવાર
હૃતિક રોશનની ઓટીટીમાં શાનદાર એન્ટ્રીઃ પ્રાઇમ વીડિયો પર આવશે નવી સીરિઝ ‘સ્ટોર્મ'
‘‘સ્ટોર્મ''માં પાર્વતી તિરુવોથુ, અલાયા એફ, સૃષ્ટિ શ્રીવાસ્તવ, રમા શર્મા અને સબા આઝાદ સહિત અનેક કલાકારો છે
મુંબઇ તા.૧૧: ભારતના સૌથી પ્રિય મનોરંજન પ્લેટફોર્મ, પ્રાઇમ વીડિયોએ તેની આગામી મૂળ ડ્રામા સીરિઝ, સ્ટોર્મ (વર્કિગ ટાઇટલ)ની જાહેરાત કરી. આ પ્રોજેક્ટ સુપરસ્ટાર હૃતિક રોશન અને તેની કંપની HRX ફિલ્મ્સ (ફિલ્મક્રાફટ પ્રોડક્શન્સનો ભાગ) વચ્ચે એક નવા અને રોમાંચક સહયોગને ચિﾎતિ કરે છે. આ સીરિઝ અજિતપાલ સિહ દ્વારા બનાવવામાં અને દિગ્દર્શિત કરવામાં આવી છે, જેમાં અજિતપાલ સિહ, ફ્રાન્કોઇસ લુનેલ અને સ્વાતિ દાસ દ્વારા લખાયેલી એક આકર્ષક વાર્તા છે. આગામી સીરિઝનું નિર્માણ હૃતિક રોશન અને ઇશાન રોશન દ્વારા કરવામાં આવી રહ્યું છે, અને સ્ટ્રીમિગની દુનિયામાં હૃતિકના પ્રથમ પ્રવેશને ચિﾎતિ કરે છે. સ્ટોર્મ માં પાર્વતી તિરુવોથુ, અલાયા એફ, સૃષ્ટિ શ્રીવાસ્તવ, રમા શર્મા અને સબા આઝાદ સહિત અનેક કલાકારો છે. નિર્માણ ટૂંક સમયમાં શરૂ થવાનું છે. સ્ટોર્મ એક રોમાંચક થ્રિલર ડ્રામા છે જે મુંબઈની પૃષ્ઠભૂમિ સામે સેટ છે.
પ્રાઇમ વીડિયોના APAC અને MENA ના ઉપપ્રમુખ ગૌરવ ગાંધીએ જણાવ્યું હતું કે, ‘‘પ્રાઇમ વીડિયોમાં, અમારું મિશન હંમેશા મહાન કલાકારો અને સર્જનાત્મક લોકોને તક પૂરી પાડવાનું રહ્યું છે, પછી ભલે તે કેમેરાની સામે હોય કે પાછળ. અમે એવી વાર્તાઓ લાવવા માગીએ છીએ જે વિશ્વભરના લોકોને પસંદ આવે. હૃતિક રોશન ભારતીય સિનેમાના સૌથી પ્રતિભાશાળી અને સર્જનાત્મક સ્ટાર્સમાંના એક છે. તેમની અને HRX ફિલ્મ્સ સાથેનો આ સહયોગ અમારા માટે ખાસ છે. ‘સ્ટોર્મ' માત્ર એક સીરિઝ નથી, પરંતુ એક નવી અને રોમાંચક સફરની શરૂઆત છે જે વધુ મહાન પ્રોજેક્ટ્સ તરફ દોરી જશે.'' તેમણે વધુમાં ઉમેર્યું, ‘‘આ સીરિઝ બનાવવાનો અમને એક શાનદાર અનુભવ રહ્યો. હૃતિકના અનોખા દ્રષ્ટિકોણ અને ઇશાન રોશનના જુસ્સા અને મહેનતે વાર્તાને વધુ સારી બનાવી. ‘સ્ટોર્મ'માં મજબૂત ષી પાત્રો અને એક આકર્ષક વાર્તા છે, જે અમને વિશ્વાસ છે કે વિશ્વભરના દર્શકોને પસંદ આવશે.''
હૃતિક રોશને કહ્યું, સ્ટોર્મ એ મને OTT દુનિયામાં નિર્માતા તરીકે પદાર્પણ કરવાની એક અદ્ભુત તક આપી. પ્રેક્ષકો સુધી ઉત્તમ વાર્તાઓ પહોંચાડવા માટે જાણીતું પ્રાઇમ વીડિયો મારી પહેલી પસંદગી હતી. તેમણે વધુમાં ઉમેર્યું, અજીતપાલ દ્વારા બનાવેલી રસપ્રદ અને અધિકૃત દુનિયા મને સ્ટોર્મ તરફ આકર્ષિત કરી. વાર્તા ઊંડી, શક્તિશાળી અને યાદગાર પાત્રોથી ભરેલી છે, જે અતિ પ્રતિભાશાળી કલાકારો દ્વારા ભજવવામાં આવી છે. આ સીરિઝમાં ફક્ત ભારતમાં જ નહીં પરંતુ વિશ્વભરના પ્રેક્ષકો સાથે જોડાવાની શક્તિ છે. પ્રાઇમ વીડિયો પર લોકો તેની મનમોહક વાર્તા જોઈ શકે તે માટે હું અતિ ઉત્સાહિત છું.
જેમ જેમ આ સીરિઝના શૂટિગની તૈયારીઓ આગળ વધશે, તેમ તેમ તેનાથી સંબંધિત વધુ માહિતી ટૂંક સમયમાં જાહેર કરવામાં આવશે.(૩૮.૯)
(10:05 AM IST)
છેલ્લા 8 દિવસમાં સૌથી લોકપ્રિય 
