મુંબઈ : બોલિવૂડના 'કિંગ ખાન' શાહરૂખ ખાનની કેટલીક તસવીરો સોશિયલ મીડિયા પર ધૂમ મચાવી રહી છે, જેમાં તે ફરી એકવાર તેમના લોકપ્રિય 'ફૌજી' લુકમાં જોવા મળી રહ્યા છે. અભિનેતાએ તેમની કારકિર્દીની શરૂઆત ટીવી શો 'ફૌજી' થી કરી હતી, જેમાં તેમણે કેપ્ટન અભિમન્યુ રાયનું પાત્ર ભજવ્યું હતું. આ નવી તસવીરો પ્રખ્યાત ફોટોગ્રાફર કોલ્સ્ટન જુલિયન દ્વારા ઇન્સ્ટાગ્રામ પર શેર કરવામાં આવી છે.

મહેબૂબ સ્ટુડિયોમાં લીધેલા આ ફોટામાં શાહરૂખ લશ્કરી ગણવેશમાં ખૂબ જ ડેશિંગ દેખાઈ રહ્યા છે. ફોટોગ્રાફરે શાહરૂખના નામ સાથે તેમના પાત્રનું નામ "અભિમન્યુ રાય" લખ્યું છે, જે ચાહકો માટે નોસ્ટાલ્જીઆ લઈને આવ્યું છે.

નેટીઝન્સની પ્રતિક્રિયા: આ તસવીરો પર નેટીઝન્સ ખૂબ જ રમુજી અને ઉત્સાહિત પ્રતિક્રિયાઓ આપી રહ્યા છે. એક યુઝરે લખ્યું, "શાહરૂખને આર્મી યુનિફોર્મ સૂટ કરે છે." અન્ય લોકોએ રેડ હાર્ટ ઇમોજી સાથે "કેપ્ટન અભિમન્યુ રાય" જેવી કોમેન્ટ્સ કરી છે. જોકે આ ફોટોશૂટ ક્યારે અને શા માટે કરવામાં આવ્યું તેની સ્પષ્ટતા નથી, ચાહકો અનુમાન લગાવી રહ્યા છે કે આ લુક તેમનો જૂનો હોઈ શકે છે. શાહરૂખ હાલમાં તેમની આગામી ફિલ્મ 'કિંગ'ની તૈયારીમાં વ્યસ્ત છે.