મુંબઈ : પ્રખ્યાત અભિનેત્રી શબાના આઝમીએ તાજેતરમાં એક ખાસ મુલાકાતમાં ખુલાસો કર્યો છે કે જો બોલીવુડની દિગ્ગજ ગાયિકા અને અભિનેત્રી સુલક્ષણા પંડિતે તેમને ટેકો ન આપ્યો હોત, તો તેમણે ફિલ્મ ઇન્ડસ્ટ્રી છોડી દીધી હોત. શબાના આઝમીએ તે સમયની વાત યાદ કરી જ્યારે તેમની કારકિર્દીની શરૂઆતમાં તેમને ઘણા સંઘર્ષોનો સામનો કરવો પડ્યો હતો, જેના કારણે તેઓ ફિલ્મ જગતથી દૂર જવા માટે મજબૂર બન્યા હતા.

શબાના આઝમીએ જણાવ્યું કે એક ફિલ્મનું શૂટિંગ ચાલી રહ્યું હતું, જ્યાં નિર્દેશક સાથે તેમની દલીલ થઈ હતી. આ ઘટનાને યાદ કરીને તેમણે કહ્યું: "હું ગુસ્સામાં પૂરા અનારકલી કોસ્ચ્યુમમાં સેટ છોડીને બહાર નીકળી ગઈ હતી!" આ ઘટના બાદ શબાનાએ નક્કી કરી લીધું હતું કે તેઓ હવે ફિલ્મ જગતમાં કામ કરશે નહીં. પરંતુ, તે સમયે અભિનેત્રી સુલક્ષણા પંડિતે તેમને આશ્વાસન આપ્યું અને પ્રોત્સાહિત કર્યા કે તેઓ આ ઉદ્યોગમાં ટકી રહે. સુલક્ષણાના આ ટેકાને કારણે જ શબાનાએ પોતાનો નિર્ણય બદલ્યો અને આજે તેઓ બોલીવુડના ટોચના કલાકારોમાંના એક છે.