મુંબઈ : વિક્કી કૌશલ અને કેટરીના કૈફ હાલમાં જ એક નનકડા રાજકુમારના માતા-પિતા બન્યા છે. 7 નવેમ્બર, 2025 ના રોજ તેમના પહેલા બાળકના આગમનની જાહેરાત કરવામાં આવી હતી, જેનાથી કૌશલ પરિવારમાં ખુશીનો માહોલ છે.

'પિતૃત્વ એ જિંદગીની સૌથી સ્થિર કરનારી ક્ષણ'

પિતૃત્વના આ નવા તબક્કા વિશે વાત કરતા, અભિનેતા વિક્કી કૌશલે આ અનુભવને 2025 ની પોતાની સૌથી મોટી અને જાદુઈ ક્ષણ ગણાવી. તેમણે કહ્યું કે તેમને હંમેશા લાગતું હતું કે આ ક્ષણ ખૂબ જ ભાવનાત્મક અને ઉત્સાહથી ભરેલી હશે, પરંતુ વાસ્તવમાં પિતા બનવાનો અનુભવ તેમની જિંદગીનો અત્યાર સુધીનો સૌથી 'ગ્રાઉન્ડિંગ' (સ્થિરતા આપનારો) અને શાંતિપૂર્ણ પળ સાબિત થયો છે.

પુત્રનું નામ પૂછાતા વિક્કીનો મજાકીયો જવાબ

વિક્કી કૌશલ તાજેતરમાં એક એવોર્ડ ફંક્શનમાં પહોંચ્યા હતા, જ્યાં પેપરાઝીએ તેમને પિતા બનવા બદલ અભિનંદન પાઠવ્યા હતા. જ્યારે ફોટોગ્રાફરોએ તેમને ખુલ્લેઆમ પુત્રનું નામ પૂછ્યું, ત્યારે વિક્કીએ માત્ર સ્મિત કર્યું અને મજાકીયા અંદાજમાં કહ્યું, "બતાઉં છું" (કહીશ/જણાવીશ). જોકે, આ કપલે હજી સુધી સત્તાવાર રીતે પોતાના દીકરાનું નામ જાહેર કર્યું નથી.

નનકડા રાજકુમારના આગમનથી કૌશલ પરિવારમાં ખૂબ જ આનંદ છે. વિક્કીના ભાઈ અને અભિનેતા સની કૌશલે ટિપ્પણી કરી હતી, "હું કાકા બની ગયો!" જ્યારે તેમના પિતા, જાણીતા એક્શન ડિરેક્ટર શ્યામ કૌશલે પણ સોશિયલ મીડિયા પર પોતાના પૌત્રને 'ભગવાનની ભેટ' ગણાવીને દાદા બનવાની ખુશી વ્યક્ત કરી હતી.