મુંબઈ : રણવીર સિંહની ફિલ્મ 'ધુરંધર 2'એ 10 દિવસમાં રૂ.1200 કરોડથી વધુ કમાણી કરી દેશની ટોચની પાંચ સૌથી વધુ કમાણી કરનારી ફિલ્મોમાં સ્થાન મેળવ્યું છે. ધુરંધર ફિલ્મે રિલીઝના 10 દિવસમાં 10 મોટા રેકોર્ડ પોતાના નામે કર્યા છે. 

 

એડવાન્સ બુકિંગમાં 'ધુરંધર 2' ફિલ્મે ફક્ત 9 દિવસમાં બુકમાયશૉના વેચાણની દ્રષ્ટિએ શાહરૂખ ખાનની 'જવાન'ને પાછળ છોડીને ત્રીજું સ્થાન મેળવ્યું છે. બુકમાયશો પર 'ધુરંધર 2'ની 12.4 મિલિયનથી વધુ ટિકિટો વેચાઈ ચૂકી છે. જ્યારે વિકી કૌશલની 'છાવા' ફિલ્મની 12.59 મિલિયન ટિકિટો વેચાઈ છે. જેમાં 'ધુરંધર' ભાગ 1ની 13 મિલિયન ટિકિટ વેચાણ સાથે ટોચનું સ્થાન જાળવી રાખ્યું છે.

 

ધુરંધર 2' ફિલ્મે રિલીઝ પહેલાં જ કમાલ કરી દીધી હતી અને પેઇડ પ્રિવ્યૂના મામલે સૌથી વધુ કમાણી કરનારી ફિલ્મ તરીકેનો રેકોર્ડ બનાવ્યો હતો. આ પેઇડ પ્રિવ્યૂમાંથી ફિલ્મે રૂ.43 કરોડનું કલેક્શન કર્યું હતું. સિનેમાના ઇતિહાસમાં આજ સુધી અન્ય કોઈ ફિલ્મ આવી નોંધપાત્ર સિદ્ધિ હાંસલ કરી શકી નથી.

 

'ધુરંધર 2' ફિલ્મે સૌથી મોટી ઓપનિંગ ધરાવતી બોલિવૂડ ફિલ્મ બનવાનો રેકોર્ડ પોતાના નામે કર્યો છે. ઓપનિંગમાં ફિલ્મે રૂ.200 કરોડથી વધુની કમાણી કરી, જેમાં પહેલા જ દિવસે 'ધુરંધર 2'એ લગભગ રૂ.240 કરોડની કમાણી કરી હતી. 

'ધુરંધર 2'એ માત્ર સાત દિવસમાં રૂ.1000 કરોડથી વધુ કમાણી કરવાની સિદ્ધિ હાંસલ કરી છે. 'પુષ્પા2'થી માત્ર ચાર દિવસમાં રૂ.1000 કરોડનો આંકડો પાર કર્યો હોવાથી સૌથી ઝડપી રૂ.1000ની કમાણી કરવામાં 'ધુરંધર 2' ફિલ્મે બીજું સ્થાન મેળવ્યું છે 

 

ઇતિહાસમાં કોઈ પણ ફિલ્મે આટલી શાનદાર ઓપનિંગ ક્યારેય મેળવી નથી. 'ધુરંધર 2' ફિલ્મે રૂ.500 કરોડના સૌથી ઝડપી કલેક્શનનો રેકોર્ડ પણ બનાવ્યો છે. આમ, 'ધુરંધર-2' ફિલ્મે ફક્ત 3 દિવસમાં રૂ.500 કરોડથી વધુની કમાણી કરતાં તે સૌથી ઝડપી 500 કરોડની કમાણી કરનારી પ્રથમ ફિલ્મ બની છે. 

 

2025માં ધુરંધર ફિલ્મ સૌથી વધુ ઓપનિંગ-ડે આંકડા મેળવવામાં નિષ્ફળ રહી હતી. જો કે, ફિલ્મના બીજા પાર્ટે ખામી પૂરી કરી દીધી હતી. 'ધુરંધર 2' ફિલ્મનું બોક્સ ઓફિસ પર છવાઈ ગઈ અને શરૂઆતમાં જ કુલ રૂ.240 કરોડની કમાણી કરી હતી. આમ, આ ફિલ્મ વર્ષ 2026ની અત્યાર સુધીની સૌથી મોટી ઓપનિંગ પણ છે.

 

આ ફિલ્મે નેટ કલેક્શનમાં શાનદાર હાજરી નોંધાવી છે. ફિલ્મે સતત છ દિવસ સુધી રૂ.50 કરોડથી વધુનો દૈનિક કલેક્શન જાળવી રાખ્યું હતું. જ્યારે ફિલ્મ રિલીઝના શરૂઆતના સપ્તાહના અંતે ફિલ્મનું વિશ્વવ્યાપી કલેક્શન ત્રણ દિવસમાં રૂ.100 કરોડનો આંકડો પાર કર્યો હતો. 

'ધુરંધર 2' પહેલા અઠવાડિયામાં વિદેશી કલેક્શનમાં સૌધી વધુ રૂ.200 કરોડનું કલેક્શન કર્યું હતું. જોકે, ભૂતકાળમાં કેટલીક ફિલ્મોએ આ સિદ્ધિ હાંસલ કરી છે. પરંતુ 'ધુરંધર 2' એ વિદેશી બજારમાં બધા રેકોર્ડ તોડી નાખ્યા છે અને એક અઠવાડિયાના વિદેશી કલેક્શને આશ્ચર્યજનક રૂ.250 કરોડ સુધી પહોંચી ગયું છે