મુંબઈ, તા.૧૮: હિન્દી સિનેમામાં જ્યારે પણ કોઈ અભિનેતા નકારાત્મક (ગ્રે-શેડ) ભૂમિકા ભજવે છે, ત્યારે દર્શકોની નફરત મળવાનો ભય રહેતો હોય છે. પરંતુ બોલિવૂડના વર્સેટાઈલ એક્ટર ઇમરાન હાશ્મીએ આ ટ્રેન્ડ સંપૂર્ણપણે બદલી નાખ્યો છે. પડદા પર ગેંગસ્ટર, ભ્રષ્ટ પોલીસ અધિકારી કે આંતરરાષ્ટ્રીય વિલનની ભૂમિકા ભજવીને પણ તેમણે કરોડો સિનેપ્રેમીઓના દિલ જીતી લીધા છે. તેમની આ નકારાત્મક ભૂમિકાઓ વાળી ફિલ્મોએ બોક્સ ઓફિસ પર અસાધારણ સફળતા મેળવી કમાણીના નવા રેકોર્ડ સર્જ્યા છે.

'આવારાપન', 'જન્નત' અને 'વન્સ અપોન અ ટાઇમ ઇન મુંબઈ' નો જાદુ:

ઇમરાનના કરિયરમાં ફિલ્મ 'આવારાપન' માઇલસ્ટોન સાબિત થઈ હતી, જેમાં શિવમ નામના ગેંગસ્ટરની ભૂમિકાને વૈશ્વિક સ્તરે ₹૧૨.૧૮ કરોડની કમાણી સાથે ખૂબ પ્રેમ મળ્યો હતો. ત્યારબાદ 'જન્નત' માં અર્જુન દીક્ષિત નામના ચતુર જુગારીના પાત્રે ₹૪૧.૫ કરોડનું ગ્લોબલ કલેક્શન કર્યું. 'વન્સ અપોન અ ટાઇમ ઇન મુંબઈ' માં અંડરવર્લ્ડ ડોન સાથે કામ કરતા ચલાક યુવાનના પાત્રે બોક્સ ઓફિસ પર ₹૮૫.૧૮ કરોડનો ધમાકો કર્યો હતો.

'મર્ડર ૨', 'જન્નત ૨' અને 'ટાઈગર ૩' ની કમાણીનો સિકંદર:

સસ્પેન્સ અને ક્રાઈમ થ્રિલર 'મર્ડર ૨' માં ભ્રષ્ટ પોલીસ ઓફિસરનો રોલ કરીને તેમણે વિશ્વભરમાં ₹૭૦.૨ કરોડ એકઠા કર્યા, જ્યારે 'જન્નત ૨' માં હથિયારોના ગેરકાયદેસર વેપારી બનીને ₹૬૩.૦૯ કરોડની કમાણી કરી હતી. તાજેતરમાં સલમાન ખાન અને કેટરિના કૈફની બ્લોકબસ્ટર ફિલ્મ 'ટાઈગર ૩' માં આંતરરાષ્ટ્રીય વિલનની દમદાર ભૂમિકા ભજવીને ઇમરાને ભારતમાં ₹૩૪૫.૭૮ કરોડ અને વિશ્વભરમાં ₹૪૬૬.૬૩ કરોડનો રેકોર્ડતોડ બિઝનેસ કર્યો હતો.

'આવારાપન ૨' થી બોક્સ ઓફિસ પર ફરી ઈતિહાસ રચાયો:

દર્શકોના અનહદ પ્રેમ વચ્ચે તાજેતરમાં રિલીઝ થયેલી તેમની ફિલ્મ 'આવારાપન ૨' એ પણ બોક્સ ઓફિસ પર ધૂમ મચાવી દીધી છે. આ ફિલ્મે અત્યાર સુધી ભારતમાં ₹૯૧ કરોડ અને વિશ્વભરમાં ₹૧૩૦ કરોડની કમાણી કરીને સાબિત કરી દીધું છે કે ઇમરાન હાશ્મીનો વિલન અવતાર બોક્સ ઓફિસ પર સફળતાની ગેરંટી સમાન છે.