​મુંબઈ:બોલિવૂડના પ્રખ્યાત અભિનેતા સૈફ અલી ખાન આજે ૫૬ વર્ષની ઉંમરે પણ એટલા જ યુવા, ફિટ અને હેન્ડસમ દેખાય છે. ચાર બાળકોના પિતા હોવા છતાં તેમની ફિટનેસ અને એનર્જી જોઈને કોઈ તેમની સાચી ઉંમરનો અંદાજ લગાવી શકતું નથી. ખાસ વાત એ છે કે સૈફ અલી ખાન પોતાની ફિટનેસ જાળવી રાખવા માટે કોઈ જીમમાં કલાકો સુધી પરસેવો વહાવતા નથી કે ન તો કોઈ કઠિન ક્રેશ ડાયેટ ફોલો કરે છે. તેઓ રોજિંદા જીવનની કેટલીક સરળ આદતો અપનાવીને જ સ્વસ્થ શરીર અને મન મેળવે છે.

​સૈફ અલી ખાનના ફિટનેસ રૂટીનમાં મુખ્યત્વે આ ૩ ખાસ આદતોનો સમાવેશ થાય છે:

​૧. સૂર્ય નમસ્કારથી દિવસની શરુઆત:

સૈફ અલી ખાન તેમના દિવસની શરૂઆત ખૂબ જ ઉત્સાહપૂર્વક સૂર્ય નમસ્કારથી કરે છે. તેઓ તમામ ૧૨ સ્ટેપ્સ સાથે સૂર્ય નમસ્કાર કરે છે, જેનાથી શરીરનું લચીલાપણું (Flexibility) જળવાઈ રહે છે. આ યોગાસન કરવાથી પગ, પેટ, કરોડરજ્જુ (Spine) મજબૂત થાય છે અને પાચનક્રિયા સારી રહે છે. આ ઉપરાંત શરીરનું સંતુલન જાળવવા માટે તેઓ ડીપ બેકબેન્ડ અને હેન્ડસ્ટેન્ડ્સ પણ કરે છે, તેમજ સ્નાયુઓની મજબૂતાઈ માટે કિકબોક્સિંગનો સહારો લે છે.

​૨. નિયમિતપણે તડકો (Sunlight) લેવો:

સાંભળવામાં થોડું અજીબ લાગી શકે, પરંતુ સૈફ અલી ખાન દરરોજ અડધો કલાક તડકામાં સમય વિતાવે છે. સવારનો તડકો લેવાથી શરીરને કુદરતી રીતે પૂરતા પ્રમાણમાં વિટામિન ડી અને વિટામિન બી૧૨ મળી રહે છે, જે હાડકાંને મજબૂત રાખવા માટે ખૂબ જ જરૂરી છે.

​૩. સાદી અને પૌષ્ટિક ડાયેટ (Diet):

ફિટનેસ મામલે સૈફ ખાવા-પીવાને લઈને ખૂબ જ શિસ્તબદ્ધ છે. તેમની ડાયેટમાં દાળ, ચોખા, રોટલી, માછલી અને ચિકનનો સમાવેશ થાય છે. તેઓ હંમેશા પ્રોટીન અને ફાઇબરથી ભરપૂર ખોરાક યોગ્ય માત્રામાં (Portion Control) લે છે. નાસ્તામાં તેમને સૂકામેવા (Nuts) કે ફળો ખાવા ગમે છે. મટન બિરયાની તેમની મનપસંદ વાનગી છે, પરંતુ તેઓ ખાંડ (Sugar) અને જંક ફૂડથી હંમેશા દૂર રહે છે.

​ફિટનેસ અંગે અભિનેતાનો ખાસ સંદેશ:

સૈફ અલી ખાનનું માનવું છે કે ફિટ રહેવા માટે આહાર પર નિયંત્રણ અને વર્કઆઉટમાં નિયમિતતા (Consistency) હોવી સૌથી વધુ જરૂરી છે. જો કોઈ વ્યક્તિ જીમમાં ન જઈ શકે, તો તેણે ઘરમાં જ રહીને યોગાસન કરવા જોઈએ, કારણ કે આજે ઈન્ટરનેટ અને સોશિયલ મીડિયા પર બધું જ સરળતાથી શીખી શકાય છે. સ્વસ્થ રહેવું એ દરેક વ્યક્તિની પ્રાથમિકતા હોવી જોઈએ.