હોલિવૂડની ચર્ચિત સાયન્સ ફિક્શન ફિલ્મ પ્રોજેક્ટ હેલ મેરીએ થિયેટરોમાં શાનદાર પ્રદર્શન કર્યા બાદ હવે OTT પ્લેટફોર્મ પર આવવા માટે તૈયાર છે. વિશ્વભરમાં જબરદસ્ત કમાણી કરનાર આ ફિલ્મને ભારતમાં પણ દર્શકોનો ઉત્તમ પ્રતિસાદ મળ્યો હતો. જો તમે કોઈ કારણસર આ ફિલ્મ થિયેટરમાં જોઈ શક્યા ન હોવ, તો હવે તેને ઘરે બેઠા ઓનલાઈન  માણવાની તક મળશે.

રાયન ગોસલિંગ અભિનીત 'પ્રોજેક્ટ હેલ મેરી' 3 જુલાઈ, 2026થી પ્રાઇમ વીડિયો પર સ્ટ્રીમ થવાની છે. ફિલ્મે સિનેમાઘરોમાં દર્શકોને જબરદસ્ત મનોરંજન આપ્યું હતું અને હવે OTT પર પણ તેની સફળતા જબરદસ્ત જોવા મળશે તેવી અપેક્ષા છે.

'પ્રોજેક્ટ હેલ મેરી' વર્ષ 2026ની સૌથી વધુ કમાણી કરનારી હોલિવૂડ ફિલ્મોમાં સામેલ થઈ ગઈ છે. વૈશ્વિક બોક્સ ઓફિસ પર ફિલ્મે અંદાજે 6,470 કરોડ રૂપિયાથી વધુની કમાણી કરી છે. આ સાથે તે વર્ષ 2026ની સૌથી વધુ કમાણી કરનારી હોલિવૂડ ફિલ્મોની યાદીમાં ત્રીજા સ્થાને પહોંચી છે. આ યાદીમાં સુપર મારિયો ગેલેક્સી અને માઇકલ જેવી ફિલ્મો તેની આગળ છે.

ભારતીય બોક્સ ઓફિસ પર પણ ફિલ્મે ઉત્તમ પ્રદર્શન કર્યું હતું. 'પ્રોજેક્ટ હેલ મેરી'એ ભારતમાં અંદાજે 80 કરોડ રૂપિયાનું કલેક્શન કર્યું હતું. ખાસ વાત એ છે કે ફિલ્મ તે સમયે રિલીઝ થઈ હતી જ્યારે રણવીર સિંહની ફિલ્મ 'ધુરંધર 2' પણ સિનેમાઘરોમાં સફળતાપૂર્વક ચાલી રહી હતી અને સારી કમાણી કરી રહી હતી.

ફિલ્મ ટ્રેડ એનાલિસ્ટ્સનું માનવું છે કે જો 'પ્રોજેક્ટ હેલ મેરી'ને અન્ય કોઈ સમયગાળામાં રિલીઝ કરવામાં આવી હોત, તો તે ભારતીય બોક્સ ઓફિસ પર સરળતાથી 100 કરોડ રૂપિયાથી વધુનું કલેક્શન કરી શકતી. હવે ફિલ્મ OTT પર ઉપલબ્ધ બનતા વધુ મોટી સંખ્યામાં દર્શકો સુધી પહોંચવાની શક્યતા વ્યક્ત કરવામાં આવી રહી છે.