શહીદ અંશુમાનસિંહને અપાયેલ કિર્તીચક્ર લઈ પત્‍નિ માવતરે ચાલી ગઈ : શહીદના માતા-પિતાનો દર્દભર્યો પોકાર સીયાચીનમાં સાથીદારોને બચાવવા માટેના પ્રયાસમાં શહીદ થયેલા કેપ્‍ટન અંશુમાનસિંહના પરીવારને તેમના અદમ્‍ય સાહસ અને બહાદુરી માટે ૫ જુલાઈ ૨૦૨૪ના રોજ રાષ્‍ટ્રપતિ દ્રૌપદી મુર્મુના હસ્‍તે કિર્તી ચક્ર એનાયત કરવામાં આવેલ પરંતુ હવે અંશુમનસિંહના માતા-પિતાનું દર્દ સામે આવ્‍યુ છે. તેમણે કહ્યુ છે કે શહીદ અંશુમાનસિંહની પત્‍નિ સ્‍મૃતિ પોતાના પતિનો ફોટો આલ્‍બમ, કપડા, અન્‍ય યાદગીરીઓ સાથે મોદી સરકાર દ્વારા આપવામાં આવેલ કીર્તી ચક્ર લઈને પોતાના ઘરે ગુરૂદાસપુર ચાલી ગયેલ છે. તેણે પોતાનું એડ્રેસ પણ બદલી નાખ્‍યુ છે.