દક્ષિણ કોરિયાના અધિકારીઓએ રાષ્ટ્રપતિ યૂન સુક યેઓલની ધરપકડ કરી છે. રાષ્ટ્રપતિ યુને ગયા મહિને અચાનક દેશમાં માર્શલ લો લાદી દીધો હતો, જેના પછી તેમના પર દેશમાં કેસ ચાલી રહ્યો હતો. ત્રણ કલાકની શોધખોળ બાદ બુધવારે તેને કસ્ટડીમાં લેવામાં આવ્યા. બુધવારે સવારે સેંકડો કાયદા અમલીકરણ અધિકારીઓ યુનને કસ્ટડીમાં લેવા માટે તેના રહેણાંક પરિસરમાં ઉતર્યા હતા. અગાઉ પણ તેમની ધરપકડ કરવાનો પ્રયાસ કરવામાં આવ્યો હતો પરંતુ તેમના સમર્થકોના વિરોધને કારણે તે શક્ય બન્યું ન હતું. દેશમાં અચાનક માર્શલ લો લાદવા બદલ વિપક્ષી પક્ષોએ રાષ્ટ્રપતિની આકરી ટીકા કરી હતી, પરંતુ રાષ્ટ્રપતિએ કહ્યું હતું કે તેમણે આ નિર્ણય દેશના હિતમાં લીધો છે.