ગતરોજ સુરત શહેર પોલીસે બાંગ્લાદેશી નાગરિકો વિરુદ્ધ એક મોટું ઓપરેશન હાથ ધર્યું હતું. શહેરની ક્રાઇમ બ્રાન્ચ અને સ્પેશિયલ ઓપરેશન ગ્રુપ (SOG)ની ટીમોએ સંયુક્ત કાર્યવાહી કરીને અલગ-અલગ વિસ્તારોમાંથી પુરુષો અને મહિલાઓ સહિત 100થી વધુ બાંગ્લાદેશીઓને ઝડપી પાડ્યા છે. પોલીસ સૂત્રોના જણાવ્યા અનુસાર, સુરત શહેરમાં ગેરકાયદેસર રીતે રહેતા બાંગ્લાદેશી નાગરિકોની માહિતી મળ્યા બાદ આ વિશેષ મિશન શરૂ કરવામાં આવ્યું હતું. આટલી મોટી સંખ્યામાં બાંગ્લાદેશી નાગરિકોની ધરપકડથી શહેરમાં ચકચાર મચી ગઈ છે.