સાંજે ચાર વાગે કોંગ્રેસ પાર્ટીની CWCની બેઠક : કોંગ્રેસ વર્કિંગ કમિટી (સીડબલ્યુસી)ની મહત્વની બેઠક આજે શુક્રવારેસાંજે ૪ વાગ્યે દિલ્હી ખાતે મળી રહી છે. આ બેઠકમાં પાર્ટીના વરિષ્ઠ નેતાઓ આગામી રાજકીય રણનીતિ, સંગઠનાત્મક મજબૂતી અને લોકસભા ચૂંટણી ૨૦૨૪ના પરિણામોની સમીક્ષા કરશે. કોંગ્રેસ પ્રમુખ મલ્લિકાર્જુન ખડગે અને પૂર્વ અધ્યક્ષ સોનિયા ગાંધી સહિત રાહુલ ગાંધી આ બેઠકમાં હાજર રહેશે. આ બેઠકમાં ખાસ કરીને વિપક્ષી ગઠબંધન ‘ઈન્ડિયા’ની ભૂમિકા અને આગામી રાજ્ય ચૂંટણીઓ માટેની તૈયારીઓ પર ચર્ચા થવાની સંભાવના છે. પાર્ટીના આંતરિક સૂત્રો અનુસાર, યુવા નેતૃત્વને વધુ જવાબદારી આપવા અને ગ્રામીણ વિસ્તારોમાં પાર્ટીની પકડ મજબૂત કરવા પર ભાર મૂકાશે.