રાજકોટ જિલ્લાના પશુપાલકો માટે સારા સમાચાર આવ્યા છે. જિલ્લા સહકારી દૂધ ઉત્પાદક સંઘે તાત્કાલિક અસરથી દૂધના ખરીદ ભાવમાં વધારો કર્યો છે. સંઘ દ્વારા પ્રતિ કિલો ફેટના ભાવમાં ₹10નો વધારો કરવામાં આવ્યો છે, જેના પરિણામે હવે ખેડૂતો અને માલધારીઓને પ્રતિ કિલો ફેટના ₹810 ચૂકવવામાં આવશે. રાજકોટ જિલ્લાના અંદાજે 50,000 પશુપાલકોને આ ભાવ વધારાનો સીધો ફાયદો થશે, જે તેમની આવકમાં વધારો કરશે. સંઘના આ નિર્ણયથી પશુપાલકોમાં ખુશીની લાગણી જોવા મળી રહી છે.