અમેરિકી રાષ્ટ્રપતિ ડોનાલ્ડ ટ્રમ્પે જાહેરાત કરી છે કે યુરોપિયન યુનિયન (EU) પર 50% ટેરિફ 1 જૂનથી નહીં, પરંતુ 9 જુલાઈથી લાગુ પડશે. આ નિર્ણય EU કમિશનના પ્રમુખ ઉર્સુલા વોન ડેર લેયેન સાથેની તેમની વાતચીત બાદ લેવામાં આવ્યો છે. રશિયા-યુક્રેન યુદ્ધ અંગે, ટ્રમ્પે વ્લાદિમીર પુતિનની આકરી ટીકા કરતા કહ્યું કે, "મને ખબર નથી કે પુતિનને શું થયું છે." તેમણે ઉમેર્યું કે, "હું પુતિન જે કરી રહ્યા છે તેનાથી ખુશ નથી. તે ઘણા લોકોને મારી રહ્યા છે. હું તેમને લાંબા સમયથી ઓળખું છું, અમે વાતચીત કરી રહ્યા છીએ અને તે કિવ અને અન્ય શહેરોમાં રોકેટ છોડી રહ્યા છે." ટ્રમ્પે જણાવ્યું કે તેઓ રશિયા સામે કડક પ્રતિબંધો લાદવા અંગે ગંભીરતાથી વિચાર કરી રહ્યા છે. (ન્યૂઝફર્સ્ટ)