પહેલગામ હુમલા બાદ ૩૩ દેશોમાં ગયેલા સર્વપક્ષીય પ્રતિનિધિમંડળોને આજે મળશે નરેન્દ્રભાઈ: જમ્મુ-કાશ્મીરના પહેલગામમાં થયેલા આતંકવાદી હુમલા બાદ વૈશ્વિક સમર્થન મેળવવા માટે ૩૩ દેશોમાં મોકલવામાં આવેલા સર્વપક્ષીય પ્રતિનિધિમંડળો આજે વડાપ્રધાન નરેન્દ્ર મોદી સાથે મુલાકાત કરી રહ્યા છે. આ પ્રતિનિધિમંડળોએ સંબંધિત દેશોમાં ભારતના પક્ષને રજૂ કર્યો હતો અને આતંકવાદ સામે લડવામાં સહયોગની અપીલ કરી હતી. ડિજિટલ મીડિયા પ્લેટફોર્મ પરથી પ્રાપ્ત માહિતી મુજબ, આ મુલાકાત દરમિયાન વડાપ્રધાન પ્રતિનિધિમંડળો દ્વારા થયેલા પ્રયાસોની સમીક્ષા કરશે અને ભવિષ્યની રણનીતિ અંગે ચર્ચા કરશે. આ બેઠક આંતરરાષ્ટ્રીય સ્તરે આતંકવાદ વિરુદ્ધ ભારતના અભિયાનને વધુ મજબૂત બનાવવામાં મદદ કરશે.