ભારતના વડાપ્રધાન નરેન્દ્રભાઈ મોદીએ 2014 થી અત્યાર સુધી રાષ્ટ્રજોગ અનેક સંબોધનો કર્યા છે, જેમાં દરેક વખતે કોઈ મોટા અને મહત્વપૂર્ણ મુદ્દા પર વાત કરવામાં આવી છે. 8 નવેમ્બર, 2016ના રોજ નોટબંધી, 5 ઓગસ્ટ, 2019ના રોજ કલમ 370 નાબૂદી, 19 માર્ચ અને 24 માર્ચ, 2020ના રોજ કોરોના મહામારી અને દેશવ્યાપી લોકડાઉન, 7 જૂન, 2021ના રોજ મફત રસીકરણ અને 12 મે, 2025ના રોજ ઓપરેશન સિંદૂર જેવા વિષયો પર તેમણે રાષ્ટ્રને સંબોધન કર્યું છે, જેમાંથી મોટાભાગના સંબોધનો રાત્રે 8 વાગ્યે થયા હતા. હવે, 21 સપ્ટેમ્બરના રોજ સાંજે 5 વાગ્યે, તેઓ ફરી એકવાર રાષ્ટ્રને સંબોધિત કરવાના છે, અને અટકળો છે કે આ સંબોધન GST સુધારાઓને લગતું હોઈ શકે છે. (ન્યૂઝફર્સ્ટ)