ઉત્તર ગુજરાતની જીવાદોરી સમાન ધરોઈ ડેમમાં ઉપરવાસમાં પડેલા અવિરત વરસાદના કારણે સતત નવા પાણીની આવક થઈ રહી છે. હાલમાં ધરોઈ જળાશયમાં ૧૫૨૮ ક્યુસેક પાણીની આવક નોંધાઈ છે, જેનાથી ડેમમાં સ્થિતિ ઉત્સાહજનક બની છે. સતત આવકના પગલે ડેમમાં હાલ પાણીનો કુલ જથ્થો ૪૫.૯૯ ટકા સુધી પહોંચી ગયો છે. ઉત્તર ગુજરાતના છ જેટલા જિલ્લાઓ માટે ધરોઈ ડેમ પીવાના અને સિંચાઈના પાણીનો મુખ્ય સ્ત્રોત હોવાથી આ પાણી ખૂબ મહત્વનું સાબિત થશે. જળાશયની સપાટીમાં સતત થઈ રહેલા વધારાને કારણે આગામી સમયમાં ખેતી અને પીવાના પાણીની ચિંતા દૂર થતાં ખેડૂતો સહિત સ્થાનિક રહીશોમાં આનંદની લહેર ફરી વળી છે.