સુરતના ભટાર વિસ્તારમાં 9 વર્ષીય બાળકી સાથે દુષ્કર્મ આચરવાના આરોપમાં 45 વર્ષીય પાડોશીની ધરપકડ કરવામાં આવી છે. આરોપીએ બાળકીને ફોસલાવી પોતાના ઘરે લઈ જઈ ગુનો આચર્યો હોવાની ફરિયાદ નોંધાઈ છે. ઘટના બાદ બે દિવસ પછી બાળકીને પેટમાં દુખાવો થતાં સમગ્ર મામલો પરિવારના ધ્યાને આવ્યો હતો. ત્યારબાદ ખટોદરા પોલીસ મથકે ફરિયાદ નોંધાવવામાં આવી હતી. ફરિયાદના આધારે પોલીસે આરોપીની ધરપકડ કરી સમગ્ર મામલે વધુ તપાસ હાથ ધરી છે.