ગાંધીનગર મહાનગરપાલિકાની ચૂંટણીમાં 11 વોર્ડની 44 બેઠકો માટે મતદાન પ્રક્રિયા પૂર્ણ થઈ છે. સાંજે 5 વાગ્યા સુધીમાં કુલ 54.01 ટકા મતદાન નોંધાયું છે. કુલ 2,59,985 મતદારોમાંથી 1,40,422 મતદારોએ પોતાના મતાધિકારનો ઉપયોગ કર્યો છે. જેમાં પુરુષ મતદારોનું 57.02 ટકા અને મહિલા મતદારોનું 50.88 ટકા મતદાન નોંધાયું છે. વોર્ડ પ્રમાણે  સૌથી વધુ 70.10 ટકા મતદાન વોર્ડ નંબર-4માં થયું  છે, જ્યારે સૌથી ઓછું 42.63 ટકા મતદાન વોર્ડ નંબર-8માં નોંધાયું છે. વોર્ડ નંબર-7માં 67.09 ટકા અને વોર્ડ નંબર-1માં 65.87 ટકા મતદાન થયું છે. હવે સૌની નજર 13 ઓક્ટોબરે જાહેર થનારા ચૂંટણી પરિણામો પર છે.