અમદાવાદ તા. ૧૪: શહેરમાં છેલ્લા ૧૦ વર્ષોમાં પપ૦૦૦થી વધારે વિદ્યાર્થીઓએ ખાનગી પ્રાથમિક શાળા છોડીને સરકારી શાળાઓમાં એડમીશન લીધું છે. સરકારી શાળાઓમાં શૈક્ષણિક સુવિધાઓ વધવાના કારણે આ તસ્‍વીર બદલાઇ છે. આંકડાઓ અનુસાર, અમદાવાદ શહેરમાં વર્ષ ર૦૧૪-૧પમાં ૪૩૯૭ વિદ્યાર્થીઓએ ખાનગી શાળા છોડીને સરકારી શાળાઓમાં પ્રવેશ લીધો હતો.

આ સંખ્‍યા ર૦૧પ-૧૬માં પ૪૮૧, ર૦૧૬-૧૭માં પ૦૦પ, ર૦૧૭-૧૮માં પર૧૯, ર૦૧૮-૧૯માં પ૭૯૧ હતી. જો કે કોરોના દરમ્‍યાન ર૦૧૯-ર૦માં પર૭ર અને ર૦ર૦-ર૧માં ૩૩૩૪ બાળકોએ સરકારી શાળામાં એડમીશન લીધું જે અપેક્ષા કરતાં ઓછું હતું. ત્‍યાર પછી ર૦ર૧-રરમાં ૬ર૮૯, ર૦રર-ર૩માં ૯પ૦૦ અને ર૦ર૩-ર૪માં પ૩૧પ વિદ્યાર્થીઓ ખાનગી શાળા છોડીને સરકારી શાળાઓમાં ગયા હતા.

અમદાવાદ મનપાના શાસનાધિકારી ડો. એલ. ડી. દેસાઇએ આ બાબતે જણાવ્‍યું કે રાજય સરકારની વિવિધ યોજનાઓની અસરથી આ શકય બન્‍યું છે. આ યોજનાઓમાં મુખ્‍યમંત્રી સ્‍કોલરશીપ યોજના, નમો લક્ષ્મી યોજના, નમો સરસ્‍વતી યોજના જેવી ઘણી યોજનાઓ છે. આ ઉપરાંત વધુ પ્રશિક્ષિત શિક્ષકો, સ્‍માર્ટ શાળાઓ, આધુનિક કોમ્‍પ્‍યુટર અને સાયન્‍સ લેબ જેવી સુવિધાઓ છે. સ્‍કિલ ડેવલપમેન્‍ટ, માળખાગત સુવિધાઓના કારણે પણ વાલીઓમાં સરકારી શાળા પ્રત્‍યે વિશ્‍વાસ ઉત્‍પન્‍ન થયો છે.