વડોદરાઃ નેશનલ હાઇ સ્‍પીડ રેલ કોર્પોરેશન લિમિટેડે રવિવારે ૧૩૦ મીટર લંબાઇનો ત્રીજો ‘મેક ઇન ઇન્‍ડિયા' સ્‍ટીલ બ્રિજ મુકાયો છે. મુંબઇ-અમદાવાદ બુલેટ ટ્રેન પ્રોજેકટ માટે વડોદરા નજીક રાયકા ખાતે દિલ્‍હી-મુંબઇ એક્‍સપ્રેસ હાઇ-વે પર માત્ર ૨૪ કલાકમાં આ બ્રિજ મુકાયો છે. ૧૮ મીટર ઉંચાઇ અને ૧૪.૯ મીટર પહોળાઇનો ૩૦૦૦ એમટી આ બ્રિજને મહારાષ્‍ટ્રના વર્ધાના વર્કશોપમાં તૈયાર કરાયો છે. આ બ્રિજ રાષ્‍ટ્રીય ધોરીમાર્ગ પરનો સૌથી લાંબો બ્રિજ છે. બ્રિજ ફેબ્રિકેશનમાં લગભગ ૧,૨૪,૨૪૬ નંગ ટોર-શીયર ટાઇપ હાઇ સ્‍ટ્રેસ્‍થ બોલ્‍ટ્‍સનો સી-૫ સિસ્‍ટમ પેઇન્‍ટિંગ અને મેટાલિક સ્‍ફેરિકલ બેરિંગ્‍સ સાથે ઉપયોગ થયો છે. જે ૧૦૦ વર્ષ સુધી અડીખમ રહી શકે છે.