તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
વંદે ભારત ફક્ત ૪.૪૫ કલાકમાં પહોંચાડશે અમદાવાદથી મુંબઈ
દિવાળીમાં સ્પીડ પકડશે વંદે ભારત : જો બધુ બરાબર રહ્યું તો અમદાવાદ-મુંબઈ વંદે ભારત ટ્રેન ટર્બો ૧૬૦ કિલોમીટર પ્રતિ કલાકની ઝડપે દોડશે
મુંબઈ,તા. ૨૮: અમદાવાદથી ભારતની આર્થિક રાજધાનીમાં મુંબઈ માટે વારંવાર ટ્રાવેલ કરતાં ટ્રાવેલર્સને દિવાળી ગિફટ આપવા માટે ભારતીય રેલવે ટ્રેક તૈયાર કરી રહી છે. જો ઈન્સ્પેક્શન બરાબર રહ્યું તો અમદાવાદ-મુંબઈ વંદે ભારત ટ્રેન ટર્બો ૧૬૦ કિલોમીટર પ્રતિ કલાકની ઝડપે દોડશે. જેના કારણે અમદાવાદથી મુંબઈ વચ્ચેના પ્રવાસનો સમય ૫.૨૫ કલાકથી ઘટીને ૪.૪૫ કલાક થઈ જશે, તેમ પﾍમિ રેલવેના સૂત્રોએ જણાવ્યું હતું. હાલમાં આ વ્યસ્ત રૂટ પર વંદે ભારત ટ્રેન ૧૩૦ કિલોમીટર પ્રતિ કલાકની ઝડપે દોડે છે.
પﾍમિ રેલવેના અમદાવાદ વિભાગના સૂત્રોએ જણાવ્યું હતું કે, આ પ્રોજેક્ટ મિશન રફતારનો એક ભાગ છે, જે મુંબઈ-વડોદરા-દિલ્હી રૂટને લક્ષ્ય બનાવે છે. આ ટ્રેક અમદાવાદ સાથે વડોદરાને જોડે છે. એપ્રિલમાં પ્રથમ ટેકનિકલ ઈન્સ્પેક્શનના ઉત્સાહજનક પરિણામો મળ્યા બાદ ટ્રેન ૧૬૦ કિલોમીટર પ્રતિ કલાકની ઝડપે ધમધમતી હોવાથી પ્રવાસની સરળતા જેવા માપદંડોનું મૂલ્યાંકન કરવા માટે જુલાઈમાં બીજો ટ્રેક હાથ ધરવામાં આવશે. આ ટ્રેન ૧૦૦૦ પેસેન્જર્સને લઈ જઈ શકવાની ક્ષમતા ધરાવે છે પરંતુ ઈન્સ્પેક્શન દરમિયાન સિમ્યુલેટેડ વજન સાથે ચાલશે.
અધિકારીઓએ જણાવ્યું હતું કે, વર્તમાન ટ્રેકની સ્ટ્રેન્થ ૫૨ કિલો પ્રતિ મીટર છે અને તેને ૧૩૦ કિમી પ્રતિ કલાકની ઝડપે દોડાવી શકાય છે. ટ્રાયલ્સ માટે સ્ટ્રેન્થ વધારીને ૬૦ કિલો પ્રતિ મીટર કરવામાં આવી છે. અમદાવાદ અને મુંબઈ વચ્ચે બે જોડી ટ્રેનો દોડે છે. બંને સવારે અને બપોરે ઉપડે છે. એક જોડી ગાંધીનગરથી ઉપડે છે. અધિકારીઓએ નોંધ્યું હતું કે ટ્રેન ૧૬૦ કિમી પ્રતિ કલાક સુધી પહોંચી શકે છે પરંતુ મુખ્ય પડકાર એ સુનિશ્ચિત કરવાનો છે કે ટ્રેક આટલી સ્પીડથી ચાલતી ટ્રેન માટે સક્ષમ હોય. આ સ્પીડ હાંસલ કરવામાં બીજો મોટો અવરોધ ઢોરની અથડામણનું જોખમ છે. તેના નિવારણ માટે માર્ગ પર ફેન્સીંગ લગાવવામાં આવી છે અને કેટલાક વિસ્તારોમાં બાઉન્ડ્રી વોલ બનાવવામાં આવી છે.
જુલાઈના ઈન્સ્પેક્શન બાદ રેલવે પાસે ટેક્નિકલ ટીમ દ્વારા ઓળખવામાં આવેલા મુદ્દાઓને ઉકેલવા માટે લગભગ ચાર મહિનાનો સમય હશે, તેમ આ પ્રોજેક્ટ સાથે જોડાયેલા અધિકારીઓએ જણાવ્યું હતું. સૂત્રોએ જણાવ્યું કે અમદાવાદથી સવારે ૬.૧૦ વાગ્યે ઉપડતી ટ્રેન હાલમાં ૧૧.૩૫ વાગ્યે મુંબઈ પહોંચે છે. નવી સ્પીડ લાગુ થયા પછી મુસાફરીના સમયમાં ૪૫ મિનિટનો ઘટાડો થશે અને મુસાફરોને સવારે ૧૦.૫૦ વાગ્યા સુધીમાં મુંબઈ પહોંચી જશે.
(9:41 AM IST)
છેલ્લા 8 દિવસમાં સૌથી લોકપ્રિય 
