અમદાવાદમાં વાદળો ઘેરાયા બાદ બપોરે ધોધમાર વરસાદ વરસ્યો છે. એસજી હાઈવે, સરખેજ, બોપલ, પ્રહલાદનગર સહિતના વિસ્તારમાં વરસાદ વરસી રહ્યો છે. આજે સવારે 10 વાગ્યાથી બપારે 12 વાગ્યા સુધીમાં મધ્ય ગુજરાતના 7 તાલુકા અને ઉત્તર ગુજરાતના 4 તાલુકામાં વરસાદ વરસ્યો છે.
મધ્ય ગુજરાતમાં સવારે 10થી બપોરે 12 વાગ્યા સુધીના બે કલાકમાં અમદાવાદ જિલ્લામાં ધોલેરામાં 10 મિ.મી., આણંદમાં તારાપુરમાં 3 મિ.મી., સોજીત્રામાં 2, પેટલાદમાં 2 મિ.મી. જ્યારે ખેડાના કપડવંજમાં 2 મિ.મી., વડોદરા જિલ્લામાં પાદરામાં 10 મિ.મી. અને સિનોરમાં 3 મિ.મી. વરસાદ વરસ્યો છે.

ઉત્તર ગુજરાતમાં હજી ચોમાસું જોઇ એવું જામ્યું નથી. આજે સવારે 10 વાગ્યાથી બપોરે 12 વાગ્યા સુધીમાં અરવલ્લીના ધનસુરામાં 6 મિ.મી., મહેસાણાના જોટણામાં 2 અને કડીમાં 1 મિ.મી., ગાંધીનગરના દહેગામમાં 8 મિ.મી. વરસાદ વરસ્યો છે.