News of Monday, 1st July 2024
નર્મદા જિલ્લામાં ચોમાસાની આકસ્મિક સ્થિતિને પહોંચી વળવા NDRF અને SDRFની એક-એક ટીમ સ્ટેન્ડબાય રાખવામાં આવી

(ભરત શાહ દ્વારા) રાજપીપળા: સમગ્ર દક્ષિણ ગુજરાત સહિત નર્મદા જિલ્લામાં ચોમાસુ સિઝનની શરૂઆત થતા વરસાદ વરસી રહ્યો છે. અગમચેતી અને તકેદારીના ભાગરૂપે જિલ્લા આપત્તી વ્યવસ્થાપન એકમ દ્વારા અગાઉ પ્રિ-મોન્સુન એક્ટિવિટીના ભાગરૂપે નીચાળવાળા વિસ્તારના તથા નદી કિનારાના ગામોમાં જઈને નાગરિકોને બચાવ અને રાહત કામગીરી અંગેની તાલીમો આપવામાં આવી હતી.
જિલ્લામાં હાલ વરસાદની સિઝન હોય આકસ્મિક સ્થિતિ કે વરસાદી આફતને પહોંચી વળવા માટે તેમજ બચાવ અને રાહતની કામગીરી ઝડપથી થઈ શકે તે માટે નર્મદા જિલ્લામાં નાંદોદ તાલુકાના રામપુરા ખાતે નેશનલ ડિઝાસ્ટર રિસ્પોન્સ ફોર્સ (NDRF) અને ગરૂડેશ્વર તાલુકાના ગોરા ખાતે સ્ટેટ ડિઝાસ્ટર રિસ્પોન્સ ફોર્સ (SDRF) ની ટીમો અદ્યતન સાધનો સાથે સ્ટેન્ડબાય રાખવામાં આવી છે. કોઈ પણ પ્રકારની અનિચ્છનીય ઘટનાઓને પહોંચી વળવા જરૂરી સાધનો સાથે પડકારો સામે લડવા માટે આ ટીમો સુસજ્જ છે.
એન.ડી.આર.એફ. ટીમ પાસે પૂરના પાણી વચ્ચે ફસાયેલા લોકોના બચાવ અને આ જગ્યાઓ સુધી સરળતાથી પહોંચવા માટે ફ્લડ વોટર રેસ્ક્યુ માટેના વિવિધ સાધનો ઉપલબ્ધ છે, જેમાં ઈનફ્લેટેબલ રબર બોટ્સ (આઇ.આર.બી.) તેના પર બેસાડીને ચલાવવા માટે ઓ.બી.એમ.મોટર, લાઇફ જેકેટ, લાઇફ ગાર્ડ, કટર અને મજબૂત દોરડાનો સમાવેશ થાય છે. વાયરલેસ સેટ, ગુડ ડિપ્લોયમેન્ટ એન્ટેના, સેટેલાઇટ ફોન વગેરે કોમ્યુનિકેશનના અદ્યતન સાધનો પણ આ ટીમો ધરાવે છે.
(10:31 PM IST)









છેલ્લા 8 દિવસમાં સૌથી લોકપ્રિય 
