અમદાવાદ : ગુજરાત ઉપર સર્જાયેલ વરસાદી સિસ્ટમ, ગીર સોમનાથ, જૂનાગઢ, દેવભૂમિ દ્વારકામાં ધોધમાર વરસાદ વરસાવી રહી છે. આજે 18મી જુલાઈને ગુરુવારના રોજ સાંજના 4થી 6 સુધીના બે કલાકમાં જ સૂત્રાપાડામાં સાડાત્રણ ઈંચ વરસાદ વરસ્યો છે. જ્યારે પાટણ-વેરાવળ ખાતે ચાર ઈંચ વરસાદ ખાબક્યો છે. જૂનાગઢના માણાવદરમાં બે કલાકમાં અઢી ઈંચ વરસાદ વરસ્યો છે. પોરબંદરના કુંતિયાણા અમને અમરેલીના બગસરામાં દોઢ ઈંચ વરસાદ વરસ્યો છે.