વડોદરા: વડોદરામાંથી વધુ એક મોટા સમાચાર મળી રહ્યા છે. ભારે વરસાદની સ્થિતિ વચ્ચે શહેર પાસેના એક ગામમાં તળાવ ફાટ્યું હોવાની ઘટના બની છે. સતત વરસી રહેલા વરસાદને પગલે દશરથ ગામે મલાઇ તળાવ ફાટ્યું છે.

આ ઘટનાને પગલે 40 ઝૂપડા પાણીમાં ગરકાવ થઇ ગયા છે. આ સાથે ઘટનાની જાણ થતાં ફાયર બ્રિગેડની ટીમ મદદ માટે દોડી આવી હતી અને રેસ્ક્યૂની કામગીરી હાથ ધરી છે. હાલ ફાયર બ્રિગેડની ટીમ દ્વારા બોટની મદદથી 30 જેટલા લોકોનું રેસ્ક્યૂ કરી સલામત સ્થળે ખસેડવામાં આવ્યા હોવાનું જાણવા મળે છે.