(ભરત શાહ દ્વારા) રાજપીપળા:સરકાર દ્વારા રેશનકાર્ડ ધારકો માટે E-KYC ફરજિયાત કરવામાં આવ્યું છે અને જેણે આ પ્રક્રિયા નહિ પૂરી કરી હોય તેને અનાજનો જથ્થો નહિ મળે એવી જાહેરાત થતાં રાજપીપળા સ્થિત નાંદોદ પુરવઠા કચેરી ઉપર મોટી કતાર લાગતી હતી પરંતુ હવે જેતે ગ્રામપંચાયતની ઓફિસો પર આ કામગીરી શરૂ કરાતા પુરવઠા કચેરી પર કાર્ડ ધારકો ની સંખ્યા ઘટી છે, સાથે સાથે મોબાઈલ એપ દ્વારા લોકો ઘરે બેઠા આ કામગીરી કરતા હતા પણ ઘણા દિવસો થી આ મોબાઈલ એપની વેબ સાઇડ બંધ થઈ જતાં ફરજિયાત જે તે કચેરી પર ગ્રાહકો જવા મજબુર બન્યા હતા જેમાં સમય અને આવવા જવાના ભાડાનો બગાડ થતો હતો.

    જોકે હાલમાં આ બાબતના અહેવાલ અમારા અખબાર માં પ્રસિદ્ધ થયા બાદ તંત્ર ના પેટનું પાણી હાલ્યું અને આજથી પુનઃ માય રેશન મોબાઈલ એપ શરૂ થતાં કાર્ડ ધારકો એ રાહત અનુભવી છે. આમ અમારા અખબાર થકી અમે હંમેશા લોકોના પ્રશ્નો ને વાચા આપતા રહ્યા છે જેથી નિષ્ઠુર તંત્ર કુંભકર્ણ ની નિંદ્રા માંથી જાગે.