ગુજરાતમાં છેલ્લા કેટલાક સમયથી નકલી કચેરી કે નકલી અધિકારી ઝડપાઈ રહ્યાં છે. આ સિલસિલના ભાગરૂપે, અરવલ્લીના બાયડમાંથી એક નકલી નાયબ કલેકટર ઝડપાયો છે. બાયડના સાઠંબા પોલીસ સ્ટેશન વિસ્તારના ઈન્દ્રાણ પંથકમાં અગાઉ થયેલા ઘર્ષણના મામલામાં તપાસ અર્થે પોલીસ પહોચી હતી. જ્યાં આરોપી પ્રકાશભાઈ ધીરજભાઈ નાયી એ રાજ્ય સેવક ન હોવા છતાં, પોતે SDM એટલે કે ડેપ્યુટી કલેક્ટર હોવાની ઓળખ આપી હતી.