અમદાવાદ : ઉપરવાસમાંથી પાણી આવતા નર્મદા ડેમની જળ સપાટીમાં સામાન્ય વધારો થયો છે. 24 કલાકમાં નર્મદા ડેમની સપાટીમાં 20 સેમીનો વધારો થયો છે. ઉપરવાસમાંથી 4 લાખ 38 હજારથી વધુ ક્યુસેક પાણીની આવક થઇ છે. નર્મદા નદીમાં 2 લાખ 95 હજાર ક્યુસેક પાણી છોડાયુ છે. હાલ નર્મદા ડેમની સપાટી 135.86 મીટરે પહોંચી છે. નર્મદા ડેમના 15 દરવાજા 2.35 મીટર ખોલાયા છે. ડેમમાંથી 2 લાખ 50 હજાર ક્યુસેક પાણી નર્મદા નદીમાં છોડાયુ. વડોદરા ભરૂચ અને નર્મદાના 42 ગામોને એલર્ટ કરાયા છે.