(ભરત શાહ દ્વારા) રાજપીપળા: સ્વામી ફાયનાન્સનાં ભાગીદાર સહાબશરણ અગમશરણ પટેલ,(રહે. કાછીયાવાડ, રાજપીપળા)એ કોર્ટમાં આપેલ ફરિયાદ મુજબ તેઓ નાણા ધીરધારનો ધંધો કરે છે. તેમની પાસેથી પ્રહલાદભાઈ શંકરભાઈ પટેલ(રહે. નવી નગરી, નાવરા,તા.નાંદોદ, જી.નર્મદા) એ ફેબ્રુઆરી ૨૦૧૬માં ખેતી કરવા નાણાની જરૂરીયાત પડતા તેમની પેઢી ઉપર આવી રૂા.બાર લાખની અઢી વર્ષ માટે જરૂરીયાત હોય નાણાની માંગણી કરેલ, જેથી તા.૨૫/૨/૨૦૧૬ના રોજ રૂા.બાર લાખનો તેમના નામનો ચેક લખી આપેલ, આ રકમ સામે પ્રહલાદભાઈએ તા.૯/૮/૨૦૧૮નો રૂા.૧૨,૦૦,૦૦૦ નો ફરીયાદીના નામનો ચેક લખી આપેલ, આ ચેક જે તે તારીખે જમા કરાવતા ચેક "ફંડ અનસફીસ્યન્ટ'નાં શેરા સાથે સ્વીકારાયા વગર પરત ફરેલ, જેથી પેઢી વાળા એ તેમને તા.ર૦/૮/ ૨૦૧૮ ના રોજ તેમના એડવોકેટ પ્રતીક એ પટેલ મારફતે ધી નેગો.ઈન્સ્ટ્રુ.એકટ મુજબ રજી.પો.એ.ડી.તથા સ્પીડ પોસ્ટથી નોટીશ આપેલી અને ચેકના નાણા દિન-૧૫ માં ચુકવી આપવા જાણ કરેલી. જે નોટીશ બજી ગયેલ તેમ છતા પ્રહલાદભાઈ એ નોટીશનો કોઈ જવાબ આપેલ નહી કે લેણી રકમ વસુલ આપેલ નહી. જેથી પેઢી વાળા એ તેમના વિરૂધ્ધ ફરીયાદ દાખલ કરતા આ કેસ કોર્ટ માં ચાલી જતાં ફરિયાદી તરફે વકીલ પ્રતીક એ પટેલની ધારદાર દલીલો અને પુરાવા રજુ કરતા કોર્ટે પ્રહલાદભાઈ પટેલને ગુનેગાર ઠરાવી એક વર્ષની સાદી કેદની સજા કરવાનો હુકમ કરતાં અન્ય આવા લોકો માં ફફડાટ ફેલાયો છે

આરોપી એ ફરિયાદી ને રૂપિયા ૧૨ લાખ વળતર તરીકે ચૂકવવાનો પણ કોર્ટે આદેશ કર્યો છે...