અમદાવાદ : આજે રવિવારને 20મી ઓક્ટોબરના રોજ સવારના 6 વાગ્યાથી રાત્રીના 8 વાગ્યા સુધીમાં રાજ્યના 58 તાલુકામાં એક મિલીમીટરથી લઈને 117 મિલીમીટર વરસાદ વરસ્યો છે. સૌથી વધુ વરસાદ લોધિકામાં સાડા ચાર ઈંચ વરસાદ નોંધાયો છે. જેમાં સાંજના ચારથી છ સુધીના બે કલાકમાં જ, સવા ચાર ઈંચ વરસાદ પડ્યો છે. જૂનાગઢના માળીયા હાટીનામાં સાડા ત્રણ ઈંચ વરસાદ વરસ્યો છે. મોરબીમાં પણ સાડા ત્રણ ઈંચ વરસાદ નોંધાયો છે.