(ભરત શાહ દ્વારા) રાજપીપળા:નર્મદા જિલ્લામાં અનેક વિકાસના કામો થાય છે પરંતુ તેમાં ગુણવત્તા જળવાતી નથી તેવા વારંવાર સવાલ ઊઠે છે સાથે સાથે કેટલાક કામોમાં ખાત મુહર્ત થયા બાદ કામગીરી થતી જ નથી છતાં વિકાસના કામોમાં સરકાર પોતાની વાહવાહી તો મેળવે જ છે, જેમાં ખાસ કરીને જિલ્લાના નાંદોદ તાલુકાના કરજણ ડેમ પાસે આવેલા જુનારાજ ગામમાં રસ્તાનું ખાત મુહુર્ત થયાને એક વર્ષ જેવો સમય થયો છતાં કામ થયું નથી અને ગ્રામજનોએ જ જૂના ખખડધજ રસ્તા પરથી આવન જાવન કરવા મજબૂર બન્યા છે.

નાંદોદ તાલુકા પંચાયત ના સદસ્ય કલ્પેશભાઈ વસાવાએ આ મુદ્દે જણાવ્યું કે ખરાબ રસ્તાના કારણે 108 પણ ગામમાં આવતી નથી માટે ક્યારેક સગર્ભા મહિલાઓ કે ગંભીર દર્દીઓ માટે આ બાબત જીવલેણ સાબિત થાય એમ છે. વીસ કરોડના ખર્ચે આ રસ્તો મંજૂર થયો અને ખાત મુહર્ત પણ કરાયું તેને એક વર્ષ થવા છતાં રસ્તો બન્યો નથી. તો શું આને વિકાસ કહેવાય...?