<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Sunday, 17th November 2024

વડોદરાની મહારાણીને માટે નહેરુ તરફથી મંગાવાયેલી રૉલ્સ રૉયસ કાર વૈવાહિક વિવાદનું કારણ બન્યું

સુપ્રીમ કોર્ટમાં ૧૮ ડિસેમ્બરે સુનવણી: ૧૯૫૧ ના મૉડલની હસ્તનિર્મિત આ કારની કિંમત આજની તારીખે રૂ.૨.૫ કરોડ અંદાજવામાં આવી

વડોદરા:વડોદરાની મહારાણી ચિમનાબાઈ સાહિબ ગાયકવાડને માટે દેશના પ્રથમ વડાપ્રધાન જવાહર લાલ નેહરુ તરફથી મંગાવાયેલી રૉલ્સ રૉયસ કાર મધ્યપ્રદેશના એક દંપત્તિની વચ્ચે વૈવાહિક વિવાદનું મુખ્ય કારણ બની ગયું છે. ૧૯૫૧ ના મૉડલની હસ્તનિર્મિત આ કારની કિંમત આજની તારીખે રૂ.૨.૫ કરોડ અંદાજવામાં આવી છે.

    મહિલાનો દાવો છે કે આ કારને દહેજમાં પ્રાપ્ત કરવા માટે પતિ તેને પરેશાન કરી રહ્યા છે. બંને લાંબા સમયથી અલગ રહેછે. મધ્ય પ્રદેશ હાઇકોર્ટની ગ્વાલિયર પીઠે મહિલાની યાચિકા ખારિજ કરી હતી. ત્યાર પછી મહિલાએ સુપ્રીમ કોર્ટના દરવાજા ખટખટાવ્યા છે. સુપ્રીમ કોર્ટમાં જસ્ટિસ સૂર્યકાંત અને જસ્ટિસ ઉજ્જલ ભુઈયાની પીઠે બુધવારે મહિલાની યાચિકા પર સુનવણી કરી. મહિલા તરફથી વરિષ્ઠ વકીલ વિભા દત્તા મખીજા એ પોતાની રજૂઆત કરી. ત્યાર પછી પીઠે બંને પક્ષોથી મધ્યસ્થતાના માધ્યમથી સમાધાનની સંભાવના શોધવાનું કહ્યું.  જસ્ટિસ સૂર્યકાંતે કહ્યું, જો બંને પક્ષ સમજી વિચારીને યોગ્ય રીતે વિવાદ ઉકેલી લેછે, તો તેનાથી ઉત્તમ કાંઈજ નથી. ત્યારે  બંને પક્ષના વકીલોએ પીઠને જણાવ્યું કે, જુદા- જુદા મંચો દ્વારા અગાઉની મધ્યસ્થતાન તમામ પ્રયાસ વિફળ રહ્યા છે. તેમ છતાં મધ્યસ્થતા કેન્દ્રના તત્વાવધાનમાં બંને પક્ષોએ વિવાદને સમજી વિચારીને સમાધાનને માટે એક વધુ તક આપવી યોગ્ય છે. વિભા દત્તા મખીજાએ વરિષ્ઠ વકીલ આર વસંતને મધ્યસ્થ નિયુક્ત કરવાનો અનુરોધ કર્યો. બીજા પક્ષ તરફથી પણ સહમતિ દર્શાવ્યા પછી પીઠે તેમને મધ્યસ્થ નિયુક્ત કરી દીધા. આર વસંત કેરલ હાઇકોર્ટના પૂર્વ જજ છે. પેઠે બંને પક્ષોને આર વસંતનો સંપર્ક કરવાની સલાહ આપી અને કેસની આગામી સુનવણી ૧૮ડિસેમ્બરના રોજ નક્કી કરી છે.

ગ્વાલિયરની મહિલાનો દાવો છે કે, તેમના પૂર્વજ છત્રપતિ શિવાજી મહારાજની નૌસેનામાં એડમિરલ હતા અને તેમને કોંકણ ક્ષેત્રના શાસક ઘોષિત કરવામાં આવ્યા હતા. મહિલાના જણાયા પ્રમાણે તેઓ પતિથી અલગ રહી રહેલ પતિ અને તેમનો પરિવાર દહેજમાં તેમના પિતાની રૉલ્સ રૉયસ કાર અને મુંબઈમાં એક ફ્લેટની માગણીને લઈને સતત પરેશાન કરી રહ્યા હતા. તેમના પતિ અને તેમના પરિવારની શરૂઆતથી જ એચજે મુલિનર એન્ડ કંપની તરફથી હસ્તનિર્મિત રૉલ્સ રૉય. કાર પર નજર હતી. મહિલાએ કહ્યું કે માંગણી પૂરી નહીં થવા પર તેમના પતિ અને તેમના પિતા પરેશાન કરવા લાગ્યા. તેના પર ખોટા લાંછન લગાવવામાં આવ્યા.જ્યારે પતિએ આરોપોને ખોટા હોવાનું જણાવ્યું છે.

…………………………………………

(12:02 AM IST)