તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
અમદાવાદ-મહેસાણા-પાલનપુર રોડ હાઇસ્પીડ કોરીડોર તરીકે વિકસાવાશે
સરસ્વતી નદી પર નવો પુલ બનાવવા ૧૪પ કરોડ મંજુર મંત્રી બળવંતસિંહ રાજપૂતે મુખ્યમંત્રીને કરેલ ભલામણ માન્ય
અમદાવાદ તા.૧૯ : મુખ્યમંત્રી શ્રી ભૂપેન્દ્રભાઇ પટેલે રાજ્યમાં રોડ ઇન્ફ્રાસ્ટ્રક્ચર વધુ સંગીન બનાવવા માટે અતિ મહત્વના રસ્તાઓને હાઈસ્પીડ કોરિડોર તરીકે વિકસાવવાનો અભિગમ અપનાવ્યો છે.
મુખ્યમંત્રીશ્રીએ આ સંદર્ભમાં મહેસાણા-ઊંઝા-સિધ્ધપુર-પાલનપુર સ્ટેટ હાઇવે પર સિધ્ધપુર તાલુકાની સરસ્વતી નદી પર નવા ફોર લેન મેજર બ્રિજ નિર્માણ માટે ૧૪૫ કરોડ રૂપિયાની રકમ મંજૂર કરી છે. સિધ્ધપુરના સ્થાનિક ધારાસભ્ય અને રાજયના કેબીનેટ મંત્રીશ્રી બળવંતસિંહ રાજપૂતે મુખ્યમંત્રીને કરેલ રજઅુાત સફળ રહી છે.
સરસ્વતી નદી પરનો હયાત ટુ લેન બ્રિજ ૧૯૫૯માં બનાવવામાં આવેલો છે. વધતા જતા વાહન વ્યવહારને પહોંચી વળવા સાંકડા પૂલની જગ્યાએ સિક્સ લેન રોડને અનુરૂપ જુના ફોર લેન બ્રિજની જમણી તરફ આ નવો ફોર લેન મેજર બ્રિજ નિર્માણ પામશે.
આ બ્રિજનું નિર્માણ થતાં ભવિષ્યમાં ઉત્તર ગુજરાત વિસ્તારને સમય અનુરૂપ સુદ્રઢ રોડ ઇન્ફ્રાસ્ટ્રક્ચર સાથે ઝડપી અને સલામત રસ્તાની સુવિધાઓ પણ મળતી થશે. તેમ શ્રી બળવંતસિ઼હ રાજપૂતનું કહયું છે.
(2:20 PM IST)
છેલ્લા 8 દિવસમાં સૌથી લોકપ્રિય 
