બનાસકાંઠામાં આવેલા શક્તિપીઠ અંબાજી ખાતે અર્બુદા સેનાનો સ્નેહમિલન કાર્યક્રમ યોજાયો હતો, જેમાં 'બટેંગે તો કટેંગે' નું સૂત્ર ચર્ચાનું કેન્દ્ર બન્યું હતું. વાવ પેટાચૂંટણીનાં અપક્ષ ઉમેદવાર માવજી ચૌધરી પણ આ કાર્યક્રમમાં હાજર રહ્યા હતા. સાથે જ 1253 ગામોનાં પ્રતિનિધિઓ પણ હાજર રહ્યા હતા. ત્યારે અર્બુદા સમાજનાં પ્રમુખે કહ્યું હતું કે, 'બટેંગે તો કટેંગે' એ સામાન્ય બુદ્ધિની વાત છે. લાડવાની કિંમત હોય, ભૂકાની કિંમત ન હોય.

  બનાસકાંઠામાં આવેલા યાત્રાધામ શક્તિપીઠ અંબાજી ખાતે અર્બુદા સેનાનો સ્નેહમિલન કાર્યક્રમ યોજાયો હતો, જેમાં મોટી સંખ્યામાં લોકો ઉપસ્થિત રહ્યા હતા. આ કાર્યક્રમમાં વાવ વિધાનસભા પેટાચૂંટણીમાં અપક્ષ ઉમેદવાર માવજી ચૌધરી પણ હાજર રહ્યા હતા. સાથે જ 1253 ગામોનાં પ્રતિનિધિઓ હાજર રહ્યા હતા. દરમિયાન, અર્બુદા સમાજનાં પ્રમુખ વિપુલ ચૌધરીએ એક એવું નિવેદન આપ્યું હતું જે ચર્ચામાં રહ્યું છે.

વિપુલ ચૌધરીએ કાર્યક્રમ દરમિયાન કહ્યું કે, 'બટેંગે તો કટેંગે' એ સામાન્ય બુદ્ધિની વાત છે. લાડવાની કિંમત હોય, ભૂકાની કિંમત ન હોય. માહિતી અનુસાર, આ કાર્યક્રમ થકી અર્બુદા સેવા સમિતિને મજબૂત કરવાની કામગીરીનો પ્રારંભ કરાયો હતો, જે હેઠળ દરેક ગામનાં સભ્યને પ્રાથમિક સભ્ય બનાવવામાં આવશે.